Techie IT
×
गृहपृष्ठसहकारी–कृषिललितपुरका दुई सहकारीबीच मर्जर सम्झौता

ललितपुरका दुई सहकारीबीच मर्जर सम्झौता


ललितपुर। ललितपुर महानगरपालिका–३ स्थित श्री लालीगुराँस बहुउद्देश्यीय सहकारी संस्था लिमिटेड र ललितपुर महानगरपालिका–५ कुमारीपाटीस्थित स्टार बचत तथा ऋण सहकारी संस्थाबीच एकीकरण गर्ने प्ररम्भिक सम्झौता भएको छ ।

ललितपुरमा दुई संस्थाका अध्यक्षबीच बिहीबार सम्झौता भएको हो । सम्झौतापत्रमा श्री लालीगुँरास सहकारी संस्था लिमिटेडका अध्यक्ष अमरदास श्रेष्ठ र स्टार बचत तथा ऋण सहकारी संस्था लि.का अध्यक्ष दिनेश राईले हस्ताक्षर गरेका छन् । सहकारी ऐन –२०७४, नियमावली–२०७५ र सहकारी संस्थाको एकीकरण तथा विभाजन निर्देशिका–२०७७ को अधीनमा रही एकीकरण सम्झौता भएको बताइएको छ ।

सम्झौतापत्रमा दुई सहकारी एकीकरण गर्न संयोजन कार्यदल गठन भएको उल्लेख छ । कार्यदलमा लालीगुँरास बहुउद्देश्यीय सहकारीका तर्फबाट अध्यक्ष अमरदास श्रेष्ठ, ऋण उपसमितिका सदस्य अञ्जु उप्रेती र चार्टर्ड एकाउन्टेन्ट (सीए) गोविन्द शर्मा गैरे तथा स्टार बचत तथा ऋण सहकारी संस्था लिका तर्फबाट उपाध्यक्ष श्रद्धा शाक्य र चार्टर्ड एकाउन्टेन्ट प्रयास श्रेष्ठ रहेका छन् । सम्झौतालगत्तै दुई ठूला श्री लालीगुँरास र स्टारबीचको मर्जरप्रक्रिया सुरु भएको छ । ललितपुरका दुई ठूला संस्थाबीचको सम्झौताले दुवै संस्थाका सञ्चालक समिति, उपसमिति र सेयर सदस्यमा थप ऊर्जा बढ्ने अपेक्षा गरिएको छ ।


क्याटेगोरी : सहकारी–कृषि

तपाईको प्रतिक्रिया