जंगल सफारी लजको दशैँ धमाका

काठमाडौं । आन्तरिक पर्यटन प्रवर्द्धन तथा घुम्ने संस्कृति विकास गर्न चितवनको सौराहामा रहेको जङ्गल-सफारी लजले ‘दशैँ धमाका’ योजना ल्याएको छ । यो योजना कात्तिक १ देखि ३० गतेसम्म लागू हुने बताइएको छ ।

यस योजनाअन्तर्गत नेपाली पर्यटकले प्रतिव्यक्ति दुई रात तीन दिनको प्याकेज मात्र १२ हजार रुपैयाँमा सौराहा घुम्न पाउनेछन् । चार वर्षमुनिका बालबालिकाहरुलाई निःशुल्क र ५ देखि ९ वर्षको हकमा २५ प्रतिशत छुट गरिएको लजले बताएको छ । यस प्याकेजमा सहभागी हुनेले दुईवटा लन्च, दुईवटा डिनर र ब्रेकफास्टसहित निकुञ्जभित्रको जीप सफारी, डुंगा सयर, जंगल पदयात्रा, हात्ती प्रजनन केन्द्र भ्रमण, थारु नाच, सूर्यास्त र थारु गाउँ अवलोकन गर्न पाउने जङगल सफारी लजका कार्यकारी निर्देशक सुमन घिमिरेले जानकारी दिए । सहुलियत मूल्यमा स्विमिङ पुल, पूर्ण वातावरण अनुकूलित कोठा, रेस्टुरेन्ट र वाईफाई सुविधा हुनुका साथै पर्यटकले सौराहाको अन्य गतिविधिमा सहभागी हुनसक्ने पनि उनको भनाइ छ । एक दशकदेखि दशैँ तिहारको समयमा यस्तै योजना ल्याउँदै आएको उनले जानकारी दिए । जंगल सफारी लजले विभिन्न सभा गोष्ठीको लागि सेमिनार हलमा समेत यो अवधि भर विशेष छुट दिने बताएको छ ।