जनकपुरमा महिन्द्राको नयाँ ट्विन पिक्स ब्रान्डेड सोरूम
काठमाडौं । अग्नि ग्रुपले धनुषाको जनकपुरधाम उपमहानगरपालिकामा नयाँ ट्विन पिक्स ब्रान्डेड सोरूम सञ्चालनमा ल्याएको छ ।
कम्पनीले मंगलबार महिन्द्राको फ्ल्यागसिप ग्लोबल एसयूभीहरु स्कर्पियो एन, एक्सयूभी ७०० (एक्सयूभी, सेभेन डबल ‘ओ’) र एक्सयूभी ३०० (एक्सयूभी, थ्रि डबल ‘ओ’ ) सार्वजनिक गरी सो बिक्री, सेवा र पार्टपुर्जासहितको सोरुम सञ्चालनमा ल्याएको हो । काठमाडौंमा र इटहरीपछि यो सोरुम क्षेत्रीयस्तरमा दोस्रो आधिकारिक सोरूम बनेको कम्पनीले जनाएको छ । नयाँ ट्विन पिक्स ब्रान्डेड महिन्द्राका एक्सयूभी सोरुमको उद्घाटन पूर्वपररास्ट्र मन्त्री रघुविर महासेठ, महिन्द्रा एन्ड महिन्द्राका भाइस प्रेसिडेन्ट–अन्तर्राष्ट्रिय अपरेसन अटोका जोयदीप मोइत्रा, कन्ट्री हेड चैतन्य कगलकर र अग्नि ग्रुपका डेपुटी सेल्स डाइरेक्टर बर्दान बस्नेतलगायतले संयुक्तरुपमा गरेका थिए ।
कार्यक्रममा महिन्द्रा एन्ड महिन्द्राका उपाध्यक्ष जोयदीप मोइत्राले कम्पनीले उपभोक्ताको चाहनामा आधारित विभिन्न शृङ्खलाका उत्पादनहरू उपलब्ध गराउनमा ध्यान केन्द्रित गरेको बताए । अग्नि ग्रुपले आफ्नो ट्विन पीक ब्रान्डको आफ्नो क्षितिजलाई नेपालभरका धेरै स्थानहरूमा विस्तार गर्न सक्रियरूपमा लागेको र यसमा महिन्द्राको पूर्णरुपमा साथ हुने उल्लेख गरे । ऋचा मोटर्सका प्रबन्ध निर्देशक राजेश अग्रवालका अनुसार अग्नि इन्कर्पोरेटिभको जनकपुर डिलरले नयाँ चुनौतीहरुलाई सामना गर्ने महत्वाकांक्षा र क्षमता झल्काउँछ । जनकपुरको यो सुविधासम्पन्न आउटलेटले अन्तर्राष्ट्रियस्तरको सेवासहितको कम्पनीमा पहुँच प्राप्त गर्न थप सुविधा उपलब्ध गराउने उनले बताए । यस क्षेत्रमा नयाँ ट्विन पिक्स सोरुम स्थापनाले आगामी दिनमा ग्राहक र कम्पनीबीचको विश्वासलाई थप मजबुत बनाउन र विद्यमान तथा नयाँ उद्यमीलाई फाइदा पुग्ने कम्पनीले जनाएको छ ।
क्याटेगोरी : कर्पोरेट-वाणिज्य-उद्योग
ट्याग : #page 3
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया