पठाओ दशैँ महोत्सवमा बोगटी र सिंहले जिते यामाहा रे जेडआर

काठमाडौं । ‘पठाओ दशैँ महोत्सव–२०८०’को बम्पर पुरस्कारअन्तर्गत पठाओ क्याप्टेन नवराज बोगटी र पठाओ राइडर विशन सिंह कोट्टारीले यामाहा रे जेडआर १२५ एफआई हाइब्रिड स्कुटर जितेका छन् ।

काठमाडौं उपत्यकामा सेवा प्रदान गरिरहेका बाइक राइडर, पठाओ क्याप्टेन (ट्याक्सीचालक) र पठाओ हिरो (फुड डेलिभरी पर्सन) गरी तोकिएको मापदण्ड पूरा गरेका कुल पाँच सय ८५ जनामध्ये गोलाप्रथाद्वारा बम्पर पुरस्कार प्रदान गरिएको हो । दशैँको अवसरमा तीन वर्षदेखि दशैँ महोत्सव गर्दै आएको र आगामी दिनमा पनि यो कार्यक्रमको निरन्तरता दिइने पठाओ नेपालका प्रबन्ध निर्देशक असिममान सिंह बस्न्यातले बताए । पठाओ नेपालसँग आबद्ध भई फ्रन्टलाइनमा खटिनेहरूको सम्मानमा बम्पर पुरस्कारको लागि सहकार्य गरिएको यामाहाको नेपालका लागि आधिकारिक बिक्रेता एमएडब्लू इन्टरप्राइजेज प्रालिका जनरल म्यानेजर (सेल्स एन्ड बिजनेस डेभलपमेन्ट) दिपक रौनियारले बताए ।

विजेता दुवै जनालाई पठाओ नेपालका असिममान सिंह बस्न्यात र एमएडब्लू इन्टरप्राइजेज प्रालिका दिपक रौनियारले यामाहा रे जेडआर १२५ एफआई हाइब्रिड स्कुटर हस्तान्तरण गरेका छन् । गोलाप्रथाद्वारा प्रदान गरिएको बम्पर पुरस्कारको कार्यक्रम पठाओ नेपालको सामाजिक सञ्जालमार्फत प्रत्यक्ष प्रशारण गरिएको थियो । बम्पर पुरस्कार बिजेता पठाओ क्याप्टेन नवराज बोगटी २०२२ मेमा पठाओमा आबद्ध भई करिब तीन हजार ट्याक्सी राइड पूरा गरेका चालक हुन् । त्यस्तै बम्पर पुरस्कारकै अर्का बिजेता पठाओ राइडर विशन सिंह कोट्टारी २०२१ जनावरीदेखि पठाओमा आबद्ध भई पाँच हजारभन्दा बढी बाइक राइड पूरा गरेका राइडर हुन् । उक्त दशैँ महोत्सवको अफर असोजको ८ गतेदेखि २८ गतेसम्म चलेको थियो ।