‘माउन्ट के टु’ आरोहण टोलीलाई परिसंघको सम्मान
काठमाडौं ।
विश्वको दोस्रो अग्लो हिमाल ‘माउन्ट के टु’का आरोहीहरुलाई नेपालको निजी क्षेत्रको प्रमुख संस्था नेपाल उद्योग परिसंघले सम्मान गरेको छ । परिसंघका अध्यक्ष सतिशकुमार मोरसहितको टोलीले गत बिहीबार एक कार्यक्रमको आयोजना गरी के टु आरोही निर्मल पुर्जा र आरोहण दललाई सम्मान गरेको हो । निर्मल पुर्जा र आरोहण दलले पाकिस्तानमा अवस्थित विश्वको दोस्रो अग्लो चुचुरो ‘के टु’को गत जनवरी १६, २०२१ का दिन हिउँदे यामको समयमा पहिलो सफल आरोहण गरेका थिए ।
परिसंघका अध्यक्ष मोरले यस कीर्तिमानी एवं साहसिक आरोहणबाट नेपाल र नेपालीको शिर उच्च बनाउँदै हिमालय आरोहणमा विश्व रेकर्ड कायम गर्न सफल भएकोमा टोलीलाई बधाई दिए । हिमशिखर आरोहणमा नेपालका शेर्पा र युद्ध कौशलतामा ‘गोर्खाज’ विश्वमा प्रसिद्ध नाम हो । त्यसमा पनि साहसिक पदयात्रा र हिमालय आरोहणको क्षेत्रमा नेपालको शेर्पा समूह अग्रणी मात्र हैन, अनुकरणीय कौशलताको एक पर्यायवाची नै भएको अध्यक्ष मोरले बताए ।
नेपालको पर्यटन प्रवर्द्धनको संवाहक हिमाल आरोही नै भएको उनको भनाइ थियो । यसबाट नेपालको प्राकृतिक सौन्दर्य र ऐतिहासिक महत्वविशेषका क्षेत्रहरुलाई विश्वमा परिचित गराउन र कीर्ति फैलाउन ठूलो बल मिलेको उनले बताए । हिमालयको संरक्षण, पर्यटन प्रवर्द्धन र विशेषतः दुर्गम क्षेत्रको आर्थिक गतिविधि बढाउन मात्र नभएर दूरदराजका बासिन्दाहरूको जीवनस्तर उकास्न र त्यस क्षेत्रको ‘शिक्षा स्वास्थ्य’का साथै पर्यटनको संरक्षणमा हिमाल आरोहीहरुको योगदान अतुलनीय रहेको उनको भनाइ थियो ।
परिसंघका वरिष्ठ उपाध्यक्ष विष्णुकुमार अग्रवालले कोभिड–१९ का कारण थलिएको पर्यटन क्षेत्रलाई चलायमान बनाउन विश्वभर नेपालको नाम परिचित गराएर हिमाल आरोही टोलीले ठूलो सहयोग गरेको बताए । आरोहण सफलताको समाचार विश्वभरका साढे पाँच अर्ब जनमानसमा पुगेको भन्दै उनले यसले नेपालको पर्यटन क्षेत्रलाई कुनै न कुनै माध्यमबाट टेवा पुग्ने बताए ।
टोलीले ३ माघमा (जनवरी १६मा) साँझ ५ बजे सफल विश्वको दोस्रो अग्लो (८,६११ मिटर) चुचुरो के टूको आरोहण गरेको थियो । १० जना नेपालीले हिउँदयाममा आरोहण गरेर विश्व कीर्तिमान बनाएको थियो । सम्मान समारोहमा परिसंघका उपाध्यक्षहरु क्रमश अनुज अग्रवाल, राजेशकुमार अग्रवाल, सुलभ अग्रवाल र वीरेन्द्रराज पाण्डेको उपस्थिति थियो ।
क्याटेगोरी : कर्पोरेट-वाणिज्य-उद्योग, नेपाल
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया