हिमालयन बैंकद्वारा काठमाडौं प्रहरी पसिरलाई सहयोग

काठमाडौं । हिमालयन बैंकले जिल्ला प्रहरी परिसर काठमाडौंलाई सहयोग गरेको छ । बैंकका अनुसार संस्थागत सामाजिक उत्तरदायित्व कार्यक्रमअन्तर्गत परिसरलाई इन्स्टा ३६० चेस्ट स्ट्रपसहित पाँच थान गोप्रो हिरो ९ क्यामरा खरिद गरी हस्तान्तरण गरिएको हो । बैंकका अनुसार यी सामान दुई लाख ६७ हजार पाँच सय रुपैँयाँबराबरको हो ।

जिल्ला प्रहरी परिसर काठमाडौंको अनुरोधको आधारमा काठमाडौं जिल्लामा सहरीकरण, सवारी चाप, लुटपाट, पाकेटमार, चोरी, आन्दोलन, बन्द, हड्ताल आदिजस्ता गतिविधिहरुको निगरानी तथा रोकथाम गर्न बैंकले सहयोग प्रदान गरेको जानकारी बैंकले दिएको छ । बैंकका प्रमुख कार्यकारी अधिकृत अशोक शमसेर राणाले सहयोग स्वरुप क्यामरा प्रहरी उपरीक्षक कुमुद ढुङ्गेललाई हस्तान्तरण गरेका हुन् । हस्तान्तरण कार्यक्रममा बैंकका नायब प्रमुख कार्यकारी अधिकृत उज्वल राजभण्डारी र मुख्य प्रबन्धक समीर आचार्यको पनि उपस्थिति रहेको बैंकले जानकारी दिएको छ ।