प्राइम बैंकद्वारा भूकम्प प्रभावितलाई सहयोग

काठमाडौं । प्राइम कमर्सियल बैंकले भूकम्प प्रभावितका लागि २५ लाख ५१ हजार रुपैयाँ सहयोग गरेको छ । बैंकले यही कात्तिक १७ गते, शुक्रबार, राति जाजरकोट केन्द्रविन्दु भई गएको विनाशकारी भूकम्पबाट जनधनको अपूरणीय क्षति व्यहोर्नुपरेको अकल्पनीय घटनाप्रति दुःख व्यक्त गर्दै उक्त रकम सहयोग गरेको हो ।

बैंकले भूकम्प प्रभावितहरूको तत्काल राहत सहयोगार्थ प्रधानमन्त्री दैवी प्रकोप उद्धार कोषमा २५ लाख ५१ हजार रुपैयाँ सहयोग उपलब्ध गराउनेछ । विनाशकारी भूकम्पको चपेटामा परी दिवंगत आत्माको चिर शान्तिको कामना गर्दै बैंकले शोकाकुल परिवारजनमा हार्दिक समवेदना व्यक्त गरेको छ । साथै, उपचाररत सम्पूर्ण घाइतेहरुको शीघ्र स्वास्थ्यलाभको कामना गरेको छ ।