मिथिला लघुवित्तले कमायो, एक करोड ५३ लाख

काठमाडौं, जेठ ५
मिथिला लघुवित्त वित्तीय संस्थाले चालू आर्थिक वर्षको तेस्रो त्रैमासिक अवधिमा एक करोड ५३ लाख ३१ हजार रूपैयाँ खुद मुनाफा आर्जन गरेको छ । गत आवको सोही अवधिमा संस्थाको यस्तो नाफा एक करोड ४० लाख तीन हजार रूपैयाँ रहेको थियो । हाल चुक्ता पुँजी १० करोड ५८ लाख ६१ हजार रूपैयाँ रहेको संस्थाले चालू आर्थिक वर्षको तेस्रो त्रैमासिक अवधिमा ३४ करोड २५ लाख ६३ हजार रूपैयाँ निक्षेप संकलन गरी एक अर्ब १९ करोड १६ लाख ३५ हजार रूपैयाँ कर्जा प्रवाह गरेको छ ।

सो अवधिमा पाँच करोड ६५ हजार रूपैयाँ खुद ब्याज आम्दानी गरेको संस्थाको प्रोभिजन रकम ६० लाख ५८ हजार रूपैयाँ रहेको छ भने निष्क्रिय कर्जाको अनुुपात दुुई दशमलव ४२ प्रतिशत रहेको छ । गत आवको सोही अवधिमा भने संस्थाले २२ करोड ५४ लाख २१ हजार रूपैयाँ निक्षेप संंकलन गरी ८४ करोड ३१ लाख ४० हजार रूपैयाँ कर्जा प्रवाह गरेको थियो । उक्त अवधिमा चार करोड ११ लाख चार हजार रूपैयाँ खुद ब्याज आम्दानी गरेको संस्थाको प्रोभिजन रकम ६४ लाख तीन हजार रूपैयाँ रहेको थियो भने निष्क्रिय कर्जाको अनुपात दुुई दशमलव ६५ प्रतिशत रहेको थियो ।