काठमाडौं ।
सेयर बजार परिसूचक ओरालो लागेको छ । अघिल्लो दिन तीन अंकले उकालो लाग्यो बजार परिसूचक साताको दोस्रो कारोबार दिन सोमबार छ दशमलव १२ अंकले ओरालो लागेर १५ सय ६९ दशमलव छ अंकमा झरेको छ । ‘क’ वर्गका कम्पनीहरूको कारोबार मापन गर्ने सेन्सिटिभ इन्डेक्स पनि एक दशमलव ३८ अंकले ओरालो लागेर तीन सय १२ दशमलव २४ अंकमा झरेको छ । यसदिन कुुल एक सय ९५ कम्पनीहरूको सेयर कारोबार भएका छन् । उक्त कम्पनीहरूको ६१ हजार नौ सय ३६ पटकको कारोबारमा ८५ लाख ६५ हजार ७८ कित्ता सेयर खरिद बिक्री भएका छन् भने कुल कारोबार रकम दुई अर्ब ६३ करोड ७३ लाख ७६ हजार दुई सय १६ रुपैयाँ पुगेको छ ।
नेपाल स्टक एक्सचेन्ज लिमिटेड (नेप्से)मा यसदिन १२ वटा समूहको कारोबार भएका छन् । जसमध्ये उत्पादनमूलक समूहको सूचक १२ दशमलव २३ अंकले उकालो लागेर तीन हजार ७६ दशमलव २४ अंकमा चढेको छ भने बाँकी समूहको सूचक ओरालो लागेका छन् । यसदिन वाणिज्य बैंक समूहको सूचक चार दशमलव ३२ अंकले ओरालो लागेर १२ सय ६४ दशमलव ४७ अंकमा झरेकोमा विकास बैंक समूहको सूचक पनि ११ दशमलव पाँच अंकले ओरालो लागेर १८ सय ५२ दशमलव पाँच अंकमा झरेको छ । जलविद्युत् समूहको सूचक पनि पाँच दशमलव ८८ अंकले ओरालो लागेर १२ सय ३१ दशमलव ८० अंकमा झरेकोमा लघुवित्त समूहको सूचक पनि सात दशमलव ३८ अंकले ओरालो लागेर दुई हजार पाँच सय ८४ दशमलव २७ अंकमा झरेको छ ।
यसैगरी निर्जीवन बीमा समूहको सूचक पनि ५४ दशमलव ९८ अंकले ओरालो लागेर आठ हजार २२ दशमलव ३८ अंकमा झरेकोमा जीवन बीमा समूहको सूचक पनि ६७ दशमलव ८५ अंकले ओरालो लागेर नौ हजार सात सय ५५ दशमलव ८५ अंकमा झरेको छ । यीबाहेक ट्रेडिङ, होटल, फाइनान्स, अन्य र सामुहिक लगानी कोष समूहको सूचक पनि क्रमशः १० दशमलव ९९, ३२ दशमलव ६१, नौ दशमलव ४३ र शून्य दशमलव ११ अंकले ओरालो लागेका छन् । यसदिन कमाउने कम्पनीको सूचीमा पहिलो स्थानमा परेको युनाइटेड फाइनान्सको सेयर मूल्य १० प्रतिशतले बढेर दुई सय २० रुपैयाँमा किनबेच भएको छ ।
दोस्रो स्थानमा परेको नेसनल हाइड्रोपावर कम्पनीको सेयर मूल्य पनि पाँच प्रतिशतले बढेर ८४ रुपैयाँमा किनबेच भएको छ । यीबाहेक सिन्धुु विकास बैंक, मेरो माइक्रोफाइनान्स आदिको सेयर मूल्य पनि बढेका छन् । गुमाउने कम्पनीको सूचीमा पहिलो स्थानमा परेको लिवर्टी हाइड्रोपावर कम्पनीको सेयर मूल्य भने १० प्रतिशतले घटेर दुई सय ४३ रुपैयाँमा किनबेच भएको छ । दोस्रो स्थानमा परेको रैराङ हाइड्रोपावर कम्पनीको प्रतिकित्ता सेयर मूल्य पनि नौ दशमलव ८० प्रतिशतले घटेर एक सय ३८ रुपैयाँमा किनबेच भएको छ । यीबाहेक प्रोग्रेसिभ फाइनान्स, सेन्ट्रल फाइनान्स आदिको सेयर मूल्य पनि घटेका छन् ।
यसदिन नेपाल बैंकको सबैभन्दा बढी रकम कारोबार भएको छ । उक्त बैंकको प्रतिकित्ता तीन सय ३३ रुपैयाँ अन्तिम मूल्यमा २१ करोड ३८ लाख ८४ हजार चार सय ५८ रुपैयाँको सेयर किनबेच भएको छ । दोस्रो स्थानमा परेको नेपाल पुनर्बीमा कम्पनीको आठ सय ६२ रुपैयाँ अन्तिम मूल्यमा १४ करोड ९० लाख ३६ हजार नौ सय २९ रुपैयाँको सेयर किनबेच भएको छ । यीबाहेक रिलायन्स लाइफ इन्स्योरेन्स कम्पनी, बैंक अफ काठमाडौँ आदिको पनि बढी रकम कारोबार भएका छन् ।
क्याटेगोरी : बैंक बित्त बजार
ताजा अपडेट
- नेपालमा पेट्रोलियम पदार्थ पत्ता लगाउन अन्तिम चरणको ‘ड्रिलिङ’ गरिँदै, हालसम्मको उपलब्धि के?
- पाँच वर्षपछि नेपालमा लगानी सम्मेलन, प्रधानमन्त्रीले लगानीकर्तालाई देखाएका अवसर कस्ता
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
- इलाम उपनिर्वाचन: फाकफोकथुम–१ को मतगणना सकियो
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया