प्रोग्रेसिभ फाइनान्सको २४औं वार्षिक साधारणसभा सम्पन्न
काठमाडौँ ।
प्रोग्रेशिभ फाइनान्सको २४औं वार्षिक साधारणसभा सम्पन्न गरेको छ । फाइनान्सको बुुधबार सम्पन्न सभामा संस्थाका अध्यक्ष किशोरकुमार महर्जनले सञ्चालक समितिका तर्फबाट प्रतिवेदन पेश गर्दै संस्थाले आर्थिक वर्ष २०७६/७७ मा गरेका कार्यक्रम तथा गतिविधिहरूबारे प्रकाश पारे ।
उनले चालू आर्थिक वर्षमा संस्थाले सञ्चालन गरेका तथा आगामी आर्थिक वर्षमा संस्थाले सञ्चालन गर्ने कार्यक्रम तथा योजनाहरूहरूबारे जानकारी दिए । साधारणसभामा वार्षिक प्रतिवेदनका सम्बन्धमा उठेका प्रश्न एवं जिज्ञासाहरूको जवाफ दिँदै अध्यक्ष महर्जनले संस्था अपेक्षितरूपले प्रगतिपथमा लम्किरहेको जानकारी गराए ।
उनले सेयरधनीहरूबाट प्राप्त सल्लाह तथा सुझावहरूको सराहना गर्दे आगामी दिनहरूमा यस्ता सुझावहरूको कार्यान्वयनका लागि प्रतिबद्धता व्यक्त गरे । सभाले आर्थिक वर्ष २०७६/७७ वित्तीय अवस्थाको विवरण (वासलात), नाफा/नोक्सान विवरण, नगद प्रवाह विवरण, इक्विटीमा भएको परिवर्तन सम्बन्धी विवरणका साथै सम्पूर्ण अनूसूचीहरू सहितको वित्तीय विवरणहरू छलफलपश्चात् पारित गरेको छ ।
सभाले आर्थिक वर्ष २०७/७८का निम्ति बाह्य लेखापरीक्षकका रूपमा एस पाण्डे एण्ड एसोसिएट्स, चार्टर्ड एकाउन्टेन्ट्सलाई नियुक्ति गर्ने प्रस्ताव पारित गरेको छ । सभाले मर्जर तथा एक्वीजिसनका निम्ति बैक तथा वित्तीय संस्थाहरूबाट उपयुक्त प्रस्ताव प्राप्त भएमा सोसम्बन्धी सम्पूर्ण प्रक्रिया पूरा गर्ने अख्तियारी सञ्चालक समितिलाई दिने निर्णय समेत गरेको छ ।
संस्थाले हाल दशवटा शाखा कार्यालय तथा चारवटा एक्सटेन्सन काउन्टरहरूमार्फत आफ्ना सेवाहरू प्रवाह गरिरहेको छ । साथै संस्थाले चालू आर्थिक वर्षमा पनि कार्यक्षेत्र विस्तार गर्ने क्रममा शाखा तथा एक्सटेन्सन काउन्टरहरू स्थापना गर्ने योजना बनाएको छ ।
क्याटेगोरी : बैंक बित्त बजार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया