आईएमई जनरल इन्स्योरेन्सको सेयर दाखिला बन्द हुने
काठमाडौं ।
आईएमई जनरल इन्स्योरेन्स कम्पनीको सेयर दाखिला बन्द हुुने भएको छ । कम्पनीको यही वैशाख १२ गते हुुने २३औँ वार्षिक साधारणसभासम्बन्धी प्रयोजनको लागि यही वैशाख दुई गतेदेखि वैशाख १२ गतेसम्म्मको लागि सेयर दाखिला तथा खारेजी बन्द हुने भएको हो ।
कम्पनीले उक्त वार्षिक साधारणसभामार्फत हाल कायम रहेको चुक्ता पुँजी एक अर्ब आठ करोड १८ लाख ३६ हजार रुपैयाँमध्येबाट सात प्रतिशतको दरमा बोनस सेयर जारी गर्ने प्रस्ताव पारित गर्ने तयारी गरेको छ । यसका अतिरिक्त उक्त बोनस सेयरमा लाग्ने कर प्रयोजनको लागि ३९ लाख ८६ हजार आठ सय ४२ रुपैयाँ ११ पैसाबराबरको नगद लाभांश वितरण गर्ने समेतको प्रस्तापरित गर्ने तयारी कम्पनीले गरेको छ ।
यसबाहेक हाल कम्पनीको संस्थापक सेयरधनी समूहको ६० प्रतिशत र सर्वसाधारण सेयरधनी समूहको ४० प्रतिशत सेयर स्वामित्व रहेकोमा उक्त अनुपातमा ५१ र ४९ प्रतिशतमा झार्ने प्रस्ताव पारित गर्ने तयारी पनि कम्पनीले गरेको छ । कम्पनीले चालू आर्थिक वर्षको दोस्रो त्रैमासिक अवधिमा १५ करोड दुई लाख ६६ हजार रुपैयाँ खुद मुनाफा आर्जन गरेको छ ।
गत आवको सोही अवधिमा कम्पनीको यस्तो नाफा छ करोड ६५ लाख ८८ हजार रुपैयाँ रहेको थियो । हाल चुक्ता पुँजी एक अर्ब आठ करोड १८ लाख ३६ हजार रुपैयाँ रहेको कम्पनीको प्रतिसेयर आम्दानी २७ रुपैयाँ ७८ पैसा रहेको छ । यस अवधिमा कम्पनीको प्रतिसेयर नेटवर्थ भने एक सय ६६ रुपैयाँ ९४ पैसा रहेको छ । (आर्थिक दैनिकबाट)
क्याटेगोरी : बैंक बित्त बजार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया