बजार परिसूचक २९ सय ६८ बिन्दुमा
सातामा ८१ अर्ब ३५ करोड रुपैयाँको सेयर खरिदबिक्री
काठमाडौं ।
यस साता सेयरबजार परिसूचक २९ सय ६८ दशमलव ४३ बिन्दुमा पुगेर रोकिएको छ । यसैगरी ‘क’ वर्गका कम्पनीहरूको कारोबार मापन गर्ने सेन्सिटिभ इन्डेक्स पनि पाँच सय ४१ दशमलव १२ बिन्दुमा पुगेर रोकिएको छ । यस साता धितोपत्र बजारमा दुुई सय २६ वटा कम्पनीहरूको सेयर कारोबार भएका छन् । जसअनुसार आठ लाख १५ हजार एक सय ३० पटकको कारोबारमा १५ करोड १७ लाख सात चार सय ८२ कित्ता सेयर खरिदबिक्री हुँदा कुल कारोबार रकम ८१ अर्ब ३५ करोड २३ लाख ८६ हजार एक सय ४७ रुपैयाँ पुगेको छ । यो कारोबार रकम गत साताको तुलनामा झण्डै दुई अर्ब रुपैयाँ कम हो ।
गत साता भने धितोपत्र बजारमा दुई सय २१ वटा कम्पनीहरूको सेयर कारोबार भएका थिए । जसअनुसार सात लाख ५३ हजार छ सय ३९ पटकको कारोबारमा १७ करोड पाँच लाख ९० हजार छ सय ४३ कित्ता सेयर खरिदबिक्री हुँदा कुल कारोबार रकम ८३ अर्ब ९३ करोड १२ लाख ५० हजार सात सय ६७ रुपैयाँ पुगेको थियो । यस साता नेप्सेको नियमित कारोबार कक्ष पाँच कार्य दिन नै खुला रहेको थियो । जसमध्ये पहिलो र दोस्रो दिन बजार परिसूचक परिसूचक उकालो लागेको थियो भने तेस्रो, चौथो र पाँचौँ दिन बजार परिसूचक ओरालो लागेको थियो ।
सोमध्ये पहिलो दिन बजार परिसूचक ३८ दशमलव ३२ अंकले उकालो लागेर २९ सय ८३ दशमलव १० बिन्दुमा चढेकोमा सेन्सिटिभ इन्डेक्स पनि ११ दशमलव ५४ बिन्दुले उकालो लागेर पाँच सय ३९ दशमलव ४१ बिन्दुमा चढेको थियो । दोस्रो दिन पनि बजार परिसूचक ४२ दशमलव ७२ अंकले उकालो लागेर तीन हजार २५ दशमलव ८३ बिन्दुमा चढेकोमा सेन्सिटिभ इन्डेक्स पनि १० दशमलव ६० बिन्दुले उकालो लागेर पाँच सय ५० दशमलव दुई बिन्दुमा चढेको थियो । तेस्रो दिन भने बजार परिसूचक तीन दशमलव ७२ अंकले ओरालो लागेर तीन हजार २२ दशमलव १० बिन्दुमा झरेकोमा सेन्सिटिभ इन्डेक्स भने शून्य दशमलव २५ अंंकले उकालो लागेर पाँच सय ५० दशमलव २६ बिन्दुमा चढेको थियो ।
चौथो कारोबार दिन पनि बजार परिसूचक ५२ दशमलव ४१ अंकले ओरालोे लागेर दुई हजार नौ सय ६९ दशमलव ६९ बिन्दुमा झरेकोमा सेन्सिटिभ इन्डेक्स पनि आठ दशमलव ५६ अंकले ओरालो लागेर पाँच सय ४१ दशमलव ७० बिन्दुमा झरेको थियो । यसैगरी अन्तिम कारोबार दिन पनि बजार परिसूचक एक दशमलव २९ अंकले ओरालो लागेर दुई हजार नौ सय ६८ दशमलव ४३ बिन्दुमा झरेकोमा सेन्सिटिभ इन्डेक्स पनि शून्य दशमलव ५८ अंकले ओरालो लागेर पाँच सय ४१ दशमलव १२ बिन्दुमा झरेको थियो ।
यस साता बढी रकम कारोबार गर्ने कम्पनीहरूको सूचीमा नेपाल पुनर्बीमा कम्पनी, नेशनल लाइफ इन्स्योरेन्स कम्पनी, अरुण कावेली पावर लिमिटेड आदि परेका छन् भने सेयर कारोबार भएका संख्याको आधारमा नेशनल हाइड्रोपावर कम्पनी हिमाल दोलखा हाइड्रोपावर कम्पनी, अरुण कावेली पावर लिमिटेड आदि परेका छन् ।
बजार पुँजीकरणका आधारमा भने यस साता नेपाल टेलिकम, नबिल बैंक, नेपाल पुनर्बीमा कम्पनी, नेपाल लाइफ इन्स्योरेन्स कम्पनी आदि परेका छन् । नेप्सेका अनुसार यो साता विकास ऋणपत्र २०८३ (घ), सिटिजन्स इन्टरनेशनल बैंकको मर्जरपश्चात् कायम भएको सेयर आदि नेप्सेमा नियमित कारोबारका लागि सूचीकृत भएका छन् । यसैगरी सिर्जना फाइनान्सको १३ दशमलव ५९ प्रतिशत अर्थात् ११ लाख ५१ हजार नौ सय ५० दशमलव १७ कित्ता बोनस सेयर सूचीकृत भएको छ ।
क्याटेगोरी : बैंक बित्त बजार
ताजा अपडेट
- बेचबिखनविरुद्धका मुद्दामा छिटो फैसला हुन आग्रह
- प्रधानमन्त्रीसँग ‘युएन एफसिसी एसबिएसटिए’ का अध्यक्षको शिष्टाचार भेट
- कैलाश सिरोहिया पक्राउ
- सगरमाथामा कीर्तिमान बनाउने प्रतिस्पर्धा
- कागेश्वरी मनहरा घटना: मृतक कृष्णका छोरा चिरेन घाइते अवस्थामा फेला
- फिनल्याण्डद्वारा जलवायु अनुकूलन कार्यक्रमका लागि एक अर्ब ८७ करोड अनुदान
- बजार परिसुचक २१ सय १५ बिन्दुमा
- मधेस प्रदेशमा दुई लाख ५१ हजार परिवारले स्वास्थ्य बीमा गराए
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया