सिटी एक्सप्रेसको मीट कार्यक्रम

काठमाडौं, माघ ९
सिटी एक्सप्रेस मनी ट्रान्सफरले गत शनिबार आफ्नो गण्डकी प्रदेश लक्षित एजेन्टहरूको लागि एक दिने एजेन्ट भेटघाट र एएमएल सीएफ्ट तालिम कार्यक्रम पोखरास्थित पांँच तारे होटल पोखरा ग्राण्डमा सम्पन्न गरेको छ । कार्यक्रममा, कास्की, बाग्लुङ, म्याग्दी, पर्वत, तनहुँ, लम्जुङ, स्याङजा, गोर्खालगायतबाट तीन सयभन्दा बढी एजेन्टहरूको सहभागिता रहेको थियो । सो कार्यक्रममा सिटी एक्सप्रेस मनी ट्रान्सफरका प्रबन्ध निर्देशक चन्द्र टण्डनलगायत व्यबस्थापन समूहको उपस्थिति रहेको थियो । सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउँदै विगत १३ वर्षदेखि विश्वभरि आफ्नो रेमिट एजेन्टहरूबाट सात हजार पाँच सयभन्दा बढी नेपालको एजेन्टहरूमार्फत भुक्तानी प्रदान गर्दै आइरहेको छ ।