नेसनल लाइफ इन्स्योरेन्सद्वारा अभिकर्ताहरूलाई सम्मान

काठमाडौं । नेसनल लाइफ इन्स्योरेन्स कम्पनीले एमडीआरटी अर्थात् मिलियन डलर राउन्ड टेबलका विजेता अभिकर्ताहरूलाई सम्मान गरेको छ । कम्पनीका अनुसार विर्तामोड झापाको होटल किङ्सवरीमा यही जेठ २१ गते सम्पन्न गरिएको एमडीआरटी सम्मान तथा तालिम कार्यक्रममा कम्पनीका प्रमुख कार्यकारी अधिकृत सुरेश प्रसाद खत्रीले विजेता अभिकर्ताहरूलाई खादा, माला, ब्लेजर कोट र सम्मानपत्रबाट सम्मान गरेका थिए ।

भारतका वरिष्ठ प्रशिक्षक प्रभु देसाइले कार्यक्रममा उपस्थित करिब एक सय ५० जना विजेता अभिकर्ताहरूलाई एमडीआरटी, सीओटी, टीओटीजस्ता उत्कृष्ट टाइटल कसरी हासिल गर्न सकिन्छ भन्ने बारेमा प्रशिक्षण दिएका थिए । अमेरिकामा केन्द्रीय कार्यालय रहेको अभिकर्ताहरूको प्रतिष्ठित संस्था एमडीआरटी अर्थात् मिलियन डलर राउन्ड टेबलमा नेसनल लाइफ इन्स्योरेन्स कम्पनीबाट चार जना सीओटीसहित एक सय ५७ जना अभिकर्ताहरू एमडीआरटीका लागि योग्य भएका थिए ।