नेपाल लाइफको कल सेन्टर दशैँको विदामा पनि सञ्चालनमा रहने

काठमाडौं । नेपाल लाइफ इन्स्योरेन्स कम्पनीले दशैँको विदाको समयमा पनि जिज्ञासा तथा गुनासो सुनुवाइका निम्ति कल सेन्टर सुविधा सुचारु राख्ने भएको छ । इन्स्योरेन्सले आफ्नो कल सेन्टर दशैँको विदाको अवधि (दशैँको टिकाको दिन बाहेक) बिहान १० बजे देखि बेलुका ५ बजेसम्म संचालन गर्नेछ ।

ग्राहकहरुले कम्पनीको कल सेन्टरमा कल, इमेल, ह्वाट्स एप, भाइबरमार्फत आफ्नो गुनासो वा जिज्ञासा दर्ज गराउन सक्नेछन् । यसबाट ग्राहकहरु लाभान्वित हुने विश्वास इन्स्योरेन्सले लिएको छ । देशैभरि फैलिएर रहेका नेपाल लाइफ इन्स्योरेन्स कम्पनीका एक सय ८९ शाखा तथा उपशाखाहरुबाट बीमा सम्बन्धि सम्पूर्ण सेवाहरु सरल, सहज, तवरले प्रदान गर्दै आइरहेको छ ।