सेञ्चुरी क्यापिटल मार्केटको लगानीकर्ता सचेतना कार्यक्रम
काठमाडौं । सेञ्चुरी क्यापिटल मार्केट लिमिटेड कमलादी काठमाडौंले लगानीकर्ता सचेतना तथा अभिवृद्धि कार्यक्रम ताम्राकार पार्टी भेन्यु पनौतीमा सम्पन्न गरेको छ । धितोपत्र नियमन निकायको अन्तर्राष्ट्रिय संस्था (आईओएससीओको आह्वानमा २०७९ असोज २६ गतेदेखि कात्तिक १ गतेसम्म धितोपत्र बजार तथा वस्तु विनिमय बजारसम्बन्धी देशव्यापीरूपमा सचेतना कार्यक्रम भइरहेको छ ।
सेञ्चुरी कमर्सियल बैंक लिमिटेडका पनौती शाखा प्रमुख नवीन माकाजुको संयोजकत्वमा सञ्चालित उक्त सचेतना कार्यक्रममा सेञ्चुरी क्यापिटल मार्केट लिमिटेडका लगानी व्यवस्थापन प्रमुख अञ्जु महर्जनले सेयर बजारसम्बन्धी बेसिक, फन्डामेन्टल र टेक्निकल एनालाईसीस अफ सेक्युरिटिज मार्केट विषयमा प्रशिक्षण दिएका थिए । साथै धितोपत्र बजारमा जोखिमरहित लगानीका लागि महत्वपूर्ण सुझाव तथा जानकारीहरू दिए ।
महर्जनले दोस्रो बजारमा धितोपत्र कारोबार गर्दा कम्पनीको वित्तीय विवरण तथा कम्पनीको व्यवस्थापन हेरेर मात्र लगानी गर्न सुझाव दिए । साथै लगानी गर्ने तीव्र इच्छा भएर पनि समय र ज्ञानको अभाव भएमा क्यापिटलले लगानी व्यवस्थापन गरिदिने जानकारी दिए । क्यापिटलका वित्त व्यवस्थापन प्रमुख मञ्जुषा श्रेष्ठले कार्यक्रमको उद्देश्य तथा महत्वबारे प्रकाश पारिन् । साथै श्रेष्ठले हितग्राही खाता संचालन, सेयर अभौतिकीकरण तथा लगानी व्यवस्थापन सम्बन्धमा क्यापिटलबाट निःशुल्क परामर्श तथा सचेतनाका कार्यक्रमहरू सञ्चालन गर्दै जानकारी दिइन् ।
सेञ्चुरी कमर्सियल बैंक लिमिटेड धुलिखेलका शाखा प्रबन्धक हरिकृष्ण दाहालले हितग्राही खाता तथा मेरो सेयरको सेवा बैंकका शाखा कार्यालयबाट प्रदान गर्दै आएको र लगानी व्यवस्थापनमा समेत बैंकको शाखामार्फत सहजीकरण गरिने जानकारी दिए । कार्यक्रममा सेयर लगानीकर्ता, बैंकर्स, उद्योगी, व्यापारी, सहकारीकर्मी, विद्यार्थी तथा सेञ्चुरी कमर्सियल बैंकका पनौती, बनेपा, नाला, साँगाका शाखा प्रबन्धक तथा कर्मचारीहरूको उपस्थिति रहेको थियो । क्यापिटलले सेयर लगानीमा सचेतना अभिवृद्धिको लागि समय समयमा सेयर तथा पुँजी बजारसँग सम्बन्धित तालिम, वर्कसप तथा सचेतनाका कार्यक्रमहरू सञ्चालन गर्दै आएको छ ।
सेञ्चुरी क्यापिटल मार्केट लिमिटेड सेञ्चुरी कमर्सियल बैंकद्वारा प्रवद्र्धित मर्चेन्ट बैंकर हो । बैंकले आधुनिक प्रविधिको माध्यमबाट देशका दुर्गम तथा सहरी क्षेत्रमा सरल बैंकिङ सेवा प्रदान गर्दै आएको छ । हाल बैंकको कुल शाखा एक सय ४८ पुगेको छ भने १० वटा एक्सटेन्सन काउन्टर २४ वटा शाखारहित बैंकिङ र एक सय १५ वटा एटीएममार्फत बैंकिङ सेवा प्रदान गर्दै आइरहेको छ ।
क्याटेगोरी : बैंक बित्त बजार
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया