Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठबैंक बित्त बजारफरवार्ड माइक्रोफाइनान्सको सेयर दाखिला बन्द हुने

फरवार्ड माइक्रोफाइनान्सको सेयर दाखिला बन्द हुने


काठमाडौं । फरवार्ड माइक्रोफाइनान्स लघुवित्त वित्तीय संस्थाको सेयर दाखिला एवं खारेजी बन्द हुने भएको छ । संस्थाका अनुसार १०औँ वार्षिक साधारणसभासम्बन्धी प्रयोजनको लागि संस्थाको यही पुस १७ गते सेयर दाखिल खारेज किताब बन्द हुन लागेको हो ।

वार्षिक साधारणसभामार्फत संस्थाले गत आर्थिक वर्षको वित्तीय विवरण पारित गर्नुका अतिरिक्त लाभांश वितरणलगायतका प्रस्तावहरू पारित गर्ने तयारी गरेको छ । संस्थाले चालू आर्थिक वर्षको पहिलो त्रैमासिक अवधिमा तीन करोड तीन लाख ७७ हजार रुपैयाँ खुद मुनाफा आर्जन गरेको छ । गत आवको सोही अवधिमा संस्थाको यस्तो नाफा आठ करोड ३९ लाख २४ हजार रुपैयाँ रहेको थियो ।

हाल चुक्ता पुँजी ८४ करोड ४४ लाख ५१ हजार रुपैयाँ रहेको संस्थाले चालू आवको पहिलो त्रैमासिक अवधिमा आठ अर्ब २१ करोड ३५ लाख ५७ हजार रुपैयाँ निक्षेप संकलन गरी १९ अर्ब ८७ करोड ७६ लाख १९ हजार रुपैयाँ कर्जा प्रवाह गरेको छ । सो अवधिमा २० करोड ६६ लाख ३१ हजार रुपैयाँ खुद ब्याज आम्दानी गरेको संस्थाको प्रोभिजन रकम एक करोड ८३ लाख ७४ हजार रुपैयाँ छ भने निष्क्रिय कर्जाको अनुपात दुई दशमलव ६० प्रतिशत रहेको छ ।

गत आवको सोही अवधिमा भने संस्थाले सात अर्ब पाँच करोड आठ लाख आठ हजार रुपैयाँ निक्षेप संकलन गरी १७ अर्ब ७५ करोड तीन लाख १३ हजार रुपैयाँ कर्जा प्रवाह गरेको थियो । उक्त अवधिमा २७ करोड २५ लाख ९८ हजार रुपैयाँ खुद ब्याज आम्दानी गरेको संस्थाको प्रोभिजन रकम १२ करोड ५६ लाख १६ हजार रुपैयाँ रहेको थियो भने निष्क्रिय कर्जाको अनुपात तीन दशमलव ७२ प्रतिशत रहेको थियो ।


क्याटेगोरी : बैंक बित्त बजार

तपाईको प्रतिक्रिया

guest
0 Comments
Inline Feedbacks
View all comments

ताजा अपडेट

0
Would love your thoughts, please comment.x
()
x