५५ खर्ब नाघेको बैंकहरूको निक्षेप फेरि घट्न थाल्यो
काठमाडौं । गएको आइतबार ५५ खर्ब तीन अर्ब रुपैयाँ पुगेको बैंक तथा वित्तीय संस्थाको निक्षेप अहिले घटेर ५४ खर्ब ९४ अर्बमा झरेको छ । आइतबारयता नौ अर्ब रुपैयाँ निक्षेप बैंकिङ प्रणालीबाट गायब भएको देखिन्छ । यसमध्ये वाणिज्य बैंकहरूबाट मात्रै आठ अर्ब रुपैयाँ निक्षेप बाहिरिएको छ । आइतबार ४८ खर्ब ५४ अर्ब रहेको वाणिज्य बैंकहरूको निक्षेप त्यसको भोलिपल्टै ४८ खर्ब ४६ अर्बमा झरेको छ । वैशाख मसान्तमा वाणिज्य बैंकहरूको निक्षेप ४८ खर्ब ४० अर्ब थियो ।
राष्ट्र बैंकको तथ्यांकअनुसार विकास बैंक र फाइनान्स कम्पनीहरूसँग रहेको निक्षेप छ खर्ब ४८ अर्ब रहेको छ । जुन आइतबारको तुलनामा एक अर्ब रुपैयाँले कम हो ।
यद्यपि बैंकरहरूले पछिल्लो समयमा वित्तीय प्रणालीमा निक्षेप बढ्दै गएको दाबी गरेका छन् । विवरणअनुसार केही हदसम्म निक्षेप बढेको देखिन्छ । असारे बजेटका कारण पनि बजारमा निक्षेप बढ्ने अपेक्षा बैंकरहरूको छ । सरकारले असार अन्तिमसम्म निर्माण क्षेत्रका लागि भुक्तानी गर्ने भएकाले विकास खर्चको आँकडा बढ्न गई वित्तीय प्रणालीमा तरलता थप बढ्ने अपेक्षा गरिएको छ ।
निक्षेप घटे पनि बैंकहरूले प्रवाह गरेको कर्जा एक अर्बले बढेको छ । आइतबार ४८ खर्ब ४७ अर्ब रहेको बैंकहरूको कर्जा प्रवाह त्यसयता एक अर्ब बढेर ४८ खर्ब ४८ अर्ब रुपैयाँ पुगेको राष्ट्र बैंकको तथ्यांकमा देखिन्छ । यसमध्ये वाणिज्य बैंकहरूको ४२ खर्ब ९७ अर्ब र विकास बैंक तथा फाइनान्स कम्पनीको पाँच खर्ब ५२ अर्ब रहेको छ ।
चर्कोे ब्याजदरका कारण कर्जाको माग न्यून हुँदा बैंकहरूको कर्जा निक्षेप अनुपात (सीडी रेसियो) ८४ दशमलव ८७ प्रतिशत कायम भएको छ । जुन आइतबारको तुलनामा शून्य दशमलव १५ प्रतिशत विन्दुले बढी हो । आइतबार सीडी रेसियो ८४ दशमलव ७२ प्रतिशत थियो । बैंकहरूको अन्तरबैंक ब्याजदर सात प्रतिशत छ ।
क्याटेगोरी : बैंक बित्त बजार
ट्याग : #Page 1
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया