युनिक नेपाल लघुवित्तको एफपीओ खुला

काठमाडौं । युनिक नेपाल लघुवित्त वित्तीय संस्थाको फरदर पब्लिक इस्यु (एफपीओ)को बिक्री खुल्ला भएको छ । संस्थाले बिहीबारबाट सर्वसाधारणको सेयर अनुपात ३० प्रतिशत कायम गर्न एफपीओ जारी गरेको हो । कम्पनीले एक सय रुपैयाँ अंकित दरको तीन करोड ७९ लाख ४२ हजार पाँच सय रुपैयाँको सेयर जारी गर्न लागेको हो । कम्पनीको सेयरमा न्यूनतम १० कित्ता र अधिकतम एक हजार कित्तासम्मका लागि आवेदन दिन सकिन्छ ।

एफपीओको बिक्री कार्य छिटोमा यही जेठ १६ गते र ढिलोमा यही जेठ २५ गते बन्द हुनेछ । संस्थाको हाल चुक्ता पुँजी ११ करोड छ लाख रुपैयाँ रहेको छ । जसमध्ये संस्थापक सेयरधनी समूहको ९४ दशमलव एक प्रतिशत र बाँकी पाँच दशमलव ९९ प्रतिशत सेयर स्वामित्व सर्वसाधारणको रहेको छ । संस्थाले चालु आर्थिक वर्षको तेस्रो त्रैमासिक अवधिमा पाँच करोड ९८ लाख रुपैयाँ खुद नोक्सानी व्यहोरेको छ । संस्थाको प्रतिसेयर आम्दानी ५७ रुपैयाँ ८१ पैसाले ऋणात्मक रहेको छ ।