अमेरिकी श्रमबजार कठिन बन्दै

अमेरिका । अमेरिकी अर्थतन्त्र सहज बन्दै गए पनि श्रमबजार कठिन बन्दै गएको छ । दोस्रो त्रैमासमा आर्थिक वृद्धिले ठोस गति लिएको र यस त्रैमासमा पनि राम्रो गतिविधि देखिएको छ । तर, सरकारी बन्द र अटो कामदारहरुको हड्तालले यस वर्षको बाँकी अवधिमा अर्थतन्त्र प्रभावित हुने देखिएको छ ।

गतसाता बेरोजगारी दाबी गर्नेहरुको संख्या केही बढेकोले श्रम बजार दबाबमा परेको विश्लेषण गरिएको छ । केही अर्थशास्त्रीहरुले श्रम बजारमा देखिएको स्थितिले अमेरिकी केन्द्रीय बैंक फेडरल रिजर्भलाई नोभेम्बरमा ब्याजदर बढाउन दबाब पर्ने बताएका छन् । केहीले केन्द्रीय बैंकलाई मौद्रिक नीतिमा थप कडाइ गर्न सहयोग गर्ने बताएका छन् ।