प्रसिद्ध भारतीय सिने कलाकार बच्चन परिवारलाई नै कोरोना
नयाँ दिल्ली, असार २९
भारतीय सिनेजगत्को उच्च प्रतिष्ठा स्थापित गर्दै विश्व सिनेमा जगतमा चर्चित व्यक्तित्व अमिताभ बच्चनको परिवारलाई कोरोना संक्रमण भएको छ । भारतीय मिडियाका अनुसार उनका छोरा अभिषेक बच्चन, अभिषेकपत्नी तथा चर्चित अभिनेत्री ऐश्वर्या राय बच्चन र उनकी छोरी आराध्यालाई पनि कोरोना भएको छ ।
उनीहरू दुवै जनाले आफूलाई कोरोना भाइरस संक्रमण पुष्टि भएको छुट्टाछुट्टै ट्विटमार्फत पनि शनिबार नै जानकारी गराएका थिए । उनीहरू नानावती अस्पतालको आइसोलेसन वार्डमा भर्ना भई उपचार सेवा सुरू गरिसकेका छन् । अमिताभकी बुहारी ऐश्वर्या तथा नातिनीलाई भने आइतबार कोरोना पोजिटभ भएको समाचारमा जनाइएको छ । उनीहरूलाई संक्रमणको ‘हल्का लक्षण’हरू देखिएको बताइएको छ । संघीय सरकारका स्वास्थ्यमन्त्री हर्षवर्धनले पनि बच्चनद्वय कोभिड–१९ संक्रमित भएको पुष्टि गर्दै भने, ‘७७–वर्षीय अमिताभ र छोरा अभिषेकलाई कोरोना भाइरस संक्रमण पुष्टि भएको छ ।’
भारतको बढी प्रभावितमध्ये एक राज्य महाराष्ट्रको मुम्बईमा शनिबारसम्म कुल ९१ हजार ४ सय ५७ व्यक्ति कोभिड–१९ संक्रमित भएकोमा अझै २२ हजार ७ सय ७९ व्यक्तिले विभिन्न स्थानमा उपचार सेवा लिइरहेका छन् भने आइतबारसम्म पाँच हजार २ सय ४१ व्यक्तिको मृत्यु भएको स्वास्थ्य मन्त्रालयले जनाएको छ । बच्चनद्वय कोभिड–१९ संक्रमित भएको भारतीय सञ्चारमाध्यममा सार्वजनिक भएसँगै फेसबुक र ट्वीटरलागयतका सामाजिक सञ्जालहरूमा उनीहरूको स्वास्थ्यलाभको कामनाका सन्देशहरूले भरिएका छन् ।
क्याटेगोरी : विश्व बजार
ताजा अपडेट
- प्रभु इन्स्योरेन्सको अध्यक्षमा राजेन्द्र मल्ल
- एनआईसी एसिया बैंकका कर्जावाला ग्राहकलाई ब्याजदरमा छुट
- १२ को परीक्षा दिएका विद्यार्थीलाई ज्योति क्यापिटलको निःशुल्क डिम्याट
- किन अबैध मानिन्छ हुण्डी कारोबारलाई ?
- भारतमा आँधीका कारण १४ जनाको मृत्यु
- विनवार्ड्ससँगको पहिलो अभ्यास खेलमा नेपाल विजयी
- प्रधानमन्त्री र सभामुखबीच संसद्को अवरोध हटाउन छलफल
- तरुण दलको केन्द्रीय समिति बैठकमा हानाहान
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया