‘युरोप, अमेरिका र चीनमा कार बिक्री बढ्न थाल्यो’
बर्लिन ।
युरोप, अमेरिका र चीनमा दुई वर्षयता पहिलोपटक सेप्टेम्बर महिनामा सँगसँगै कार बिक्रीमा वृद्धि देखिएको छ । जर्मन एसोसिएसन अफ द अटोमोटिभ इन्डस्ट्री (भीडीए)ले शुक्रबार जनाएअनुसार पेसेन्जर कारको बिक्री दर बढेको हो । यसका बाबजुद विश्व महामारी कोरोना रोक्न लागू भएका सरकारी नियमले भने अन्तर्राष्ट्रिय अटोमोबाइल उत्पादनमा भने असर गरिरहेको छ । सबै बजार अहिले पनि रातो अर्थात् नकारात्मक अवस्थामै रहेको भीडीएले जनाएको छ । यो वर्ष ७८ लाख कम नयाँ कारहरु उक्त तीन मुख्य क्षेत्रमा बिक्री भएका छन् ।
गत वर्षको सोही अवधिको तुलनामा उक्त परिमाणमा कम बिक्री भएको हो । सेप्टेम्बरमा पेसेन्जर कार चीनमा उच्च दरमा बिक्री भएको छ । भीडीएका अनुसार उक्त महिनामा ८ प्रतिशतले बिक्री बढेर २१ लाख नयाँ कार बिक्री भएको छ । यसमा पहिलो तीन त्रैमासिकको जोड्दा कुल १ करोड ३१ लाख पेसेन्जर कार बिक्री भएको छ । युरोपमा भने पहिलोपटक कार बिक्री सेप्टेम्बरमा बढेर १३ लाख नयाँ रजिष्ट्रेसन भएको छ । जुन गत वर्षभन्दा १ प्रतिशतले बढी हो । तर युरोपका पाँच ठूला बजारको बिक्री चित्र भने फरक फरक रहेको बताइएको छ ।
इटालनी र जर्मनीमा क्रमशः १० र ८ प्रतिशतले बिक्री दर बढेको छ भने फ्रान्स र बेलायतमा गत वर्षको सोही महिनाको तुलनामा माइनस तीन र माइनस चार प्रतिशतले कार बिक्री घटेको छ । स्पेनमा १३ प्रतिशतले कार बिक्री घटेको छ । भीडीएका अनुसार अमेरिकाको कार र ट्रकजस्ता हलुका सवारी बजारमा पनि ६ प्रतिशतले नयाँ सवारीसाधन बिक्री बढेर १३ लाख पुगेको छ । फेब्रुअरीयता पहिलोपटक नयाँ सवारीसाधन बिक्री बढेको हो ।
क्याटेगोरी : विश्व बजार
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया