अब टेस्लाका कार बिटक्वाइनबाटै किन्न सकिने
अमेरिका ।
टेस्ला कम्पनीका कार अब बिटक्वाइनबाट पनि खरिद गर्न सकिने भएको छ । कम्पनीका प्रमुख एलन मस्कले डिजिटल मुद्राबाटै कारहरु खरिद गर्न सकिने बताएका हुन् । बिटक्वाइनमा असाध्यै रुचि राख्ने मस्कले सामाजिक सञ्जाल ट्विटरबाट यस्तो घोषणा गरेका हुन् । उनको यो घोषणालाई अनपेक्षित मानिएको छ । अहिले बिटक्वाइनको मूल्य स्थिर छैन । यो दिनहुँ परिवर्तन भइरहेका कारण कारको बिटक्वाइन मूल्य पनि हरेक दिन फरक फरक हुनेछ । टेस्लाले भर्चुअल मुद्रामा ठूलै लगानी गरिसकेको छ । उसले केही समयअघि मात्रै डेढ अर्ब अमेरिकी डलर मूल्यको बिटक्वाइन खरिद गरेको थियो ।
त्योसँगै लगातारजसो बिटक्वाइनको मूल्य बढेर कीर्तिमान कायम गरेको थियो । मस्कको उक्त घोषणापछि बुधबार पुनः बिटक्वाइनको मूल्य आकाशिएको बीबीसीले जनाएको छ । मस्कले टेस्लाले आफ्नै आन्तरिक सफ्टवेयर ल्याएर बिटक्वाइन भुक्तानीको व्यवस्थापन गर्ने तयारी गरेको समेत बताएका छन् । त्यसैले सिधै बिटक्वाइन नोड्स सञ्चालन गर्नेछ । यस अर्थमा नोड्स भनेका कम्प्युटरजस्तै हुन्, जसले बिटक्वाइन कारोबारको प्रक्रिया मिलाउँछन् ।
मस्कका अनुसार टेस्लालाई भुक्तानीमा दिइने बिटक्वाइन बिटक्वाइनकै रुपमा रहनेछ । सरकारी नियन्त्रण रहने मुद्रामा विनिमय हुनेछैन । अमेरिकामा नयाँ टेस्ला कार सय डलर मूल्यबराबरको बिटक्वाइनसँगै अर्डर समेत गर्न सकिने भएको छ । यो सुविधा अब अन्य देशमा पनि उपलब्ध हुने मस्कले बताएका छन् । बिटक्वाइनको परिवर्तन भइरहने मूल्यका कारण वस्तु तथा सामान खरिदमा भने जटिलता हुनेछ ।
उदाहरणको लागि टेस्लाले यससम्बन्धी शर्त र अवस्थाको नियम बनाएको छ । जसअनुसार यदि फिर्ता गर्नुपर्ने (रिफन्ड) भएमा कम्पनीले बिटक्वाइनको जति मूल्य हो त्यसको आधारमा वा कारको अमेरिकी डलर मूल्यमा आधारित भएर आवश्यकताअनुसार गर्न सकिन्छ । यसको मतलब यदि फिर्ता गर्नुअगाडि नै बिटक्वाइनको मूल्य बढ्यो भने ग्राहकले घाटा समेत व्यहोर्नुपर्ने हुन्छ ।
मस्कको घोषणा अमेरिकी म्यागजिन कन्जुमर रिपोर्ट्सले टेस्लाका कारले भिडियो रेकर्ड गरेर फुटेज पठाइरहेको समाचार प्रकाशित भएकै दिन आएको हो । आफ्ना स्वचालित प्रविधि विकासमा मद्दतका लागि यसो गरिरहेको समाचारमा जनाइएको छ । तर यसबारे गोप्यता भंग हुने भन्दै चिन्ता व्यक्त गरिसकिएको छ ।
क्याटेगोरी : विश्व बजार
ताजा अपडेट
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
- १६औँ योजनामा आर्थिक वृद्धिको लक्ष्य घटाइयो
- बजेटको आधार नबढाउन सात पूर्वअर्थमन्त्रीको सुझाव
- ‘निजी क्षेत्रको मनोबल उकास्न सरकारले महत्वपूर्ण निर्णय गर्छ’
- दुग्ध विकास संस्थानद्वारा किसानलाई ४८ करोड भुक्तानी
- पहाडी भेगमा आंशिक बदली, बाँकी भागमा मौसम सफा रहने
- देशभर कक्षा १२ को परीक्षा शान्तिपूर्ण रूपमा हुँदै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया