अमेरिका । चिनियाँ कारनिर्माता बीवाईडीले इलोन मस्कको टेस्लालाई उछिनेको छ । चर्चित अर्बपति वारेन बफेटको बर्कशाइर हाथावेको समेत सहयोग रहेको बीवाईडीले बिक्रीमा टेस्लालाई उछिनेर पहिलो स्थान ओगटेको हो ।
बीवाईडी बिक्री भएको गाडीको आधारमा विश्वकै ठूलो विद्युतीय सवारीसाधन उत्पादक बनेको हो । मजबुत हुँदै गएको औद्योगिक आपूर्ति शृंखलासँगै चीनमा विद्युतीय सवारीसाधन निर्माणले तीव्रता पाएसँगै बीवाईडीले टेस्लालाई ‘ओभरट्र्याक’ गरेको हो । शेन्जेनमा रहेको कम्पनीले यो वर्षको पहिलो छ महिनामा विद्युतीयसँगै हाइब्रिड गाडीहरु ६ लाख ४१ हजार हाराहारीमा बिक्री गरेको छ । यो भनेको एक वर्षअघिको सोही अवधिको तुलनामा ३०० प्रतिशतले धेरै भएको कम्पनीले नियामकीय निकायमा जुलाई ५ मा पेस गरेको कागजातले देखाएको छ ।
यो वर्षको पहिलो छ महिनामा टेस्लाले भने पाँच लाख ६४ हजार सवारीसाधन बिक्री गरेको छ । यो भनेको वार्षिक ४६ प्रतिशत वृद्धि हो । एक वर्षअघि कम्पनीले तीन लाख ८६ हजार २ सय सवारीसाधन बिक्री गरेको थियो । टेस्लाले दुई लाख ५४ हजार छ सय ९५ कार र एसयूभीहरु अप्रिलदेखि जुनको अन्त्यसम्म बिक्री गरेको छ । जुन पहिलो तीन महिनाको तुलनामा १८ प्रतिशत कम हो ।
खासगरी सांघाईमा कोभिड संक्रमण बौरिएसँगै कारखाना बन्द हुँदा टेस्लाको उत्पादन र बिक्रीमा असर परेको हो । न्युयोर्कको सेयरबजारमा टेस्ला इन्कको सेयर ४.९ प्रतिशतले घटेर प्रतिकित्ता ६४८.५० डलर कारोबार भएको थियो । सुरुवातमा धेरै घटे पनि पछि २.४ प्रतिशत मात्रै घटेको बताइएको छ ।
यता बीवाईडीको कारसँगै ब्लेड ब्याट्रीहरु अत्यधिक बिक्री भएको छ । दुई महिना लामो लकडाउनका कारण टेस्लाले उत्पादनमा ५० देखि ७० हजार युनिटले कमी आएको थियो । अहिले उत्पादन सुरु भए पनि आपूर्तिको समस्या उस्तै हुँदा कम्पनी दबाबमा परेको छ । टेस्लाको बिक्रीमा ४० प्रतिशत चीनले नै ओगटेको छ । चीनको कोभिड लकडाउनले टेस्लासागै अन्य चिनियाँ विद्युतीय निर्माता लि अटो, नियो, पेंग मोटर्सलाई समेत अप्ठ्यारो पारेको बताइएको छ ।
क्याटेगोरी : विश्व बजार
ताजा अपडेट
- औद्योगिक व्यापार मेला तथा घरेलु उद्योग महोत्सवमा सात करोड ६५ लाखको कारोबार
- मन्त्रीपरिषदको बैठक सुरु
- नागरिक लगानी कोष र चिरायु हस्पिटलबीच सम्झौता
- कांग्रेस संसदीय दलको बैठक सुरु
- ‘कोका–कोला महोत्सव’
- वैदेशिक रोजगार व्यवस्थापन सेवा प्रवाह कार्यविधि २०८१ संशोधन
- एक सय दुई वर्षीय वृद्धसहित एक सय ४३ जनाको शल्यक्रिया
- उद्योगी र व्यवसायीलाई कच्चा पदार्थ आयात गर्दा समान भन्सार दर कायम गर्न जुत्ता चप्पल व्यवसायीको माग
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया