सोलुखुम्बु । यो सिजनको सगरमाथा आरोहण करिब अन्तिम चरणमा पुगेको छ । अहिलेसम्म ८० प्रतिशत आरोहण दलको अभियान सकिएको पर्यटन विभागका निर्देशक सूर्यप्रसाद उपाध्यायले जानकारी दिए ।
उनका अनुसार केही टोली आरोहण सकेर काठमाडौं फर्किएर पर्यटन विभागमा ब्रिफिङ समेत गरिसकेका छन् । केही टोली भने आरोहणकै सिलसिलामा छन् । यस्तै आरोहणको क्रममा एक विदेशी र एक नेपाली गरी दुई जनाको ज्यान गएको छ । यस सिजनमा सगरमाथा आरोहण गर्ने क्रममा एक नेपाली सहयोगी र एक विदेशी आरोहीको ज्यान गएको हो । पर्यटन विभागका निर्देशक उपाध्यायका अनुसार कञ्चनजंघामा पनि एक भारतीय र धौलागिरिमा एक नेपाली सहयोगीको ज्यान गएको छ । ज्यान जानुको कारण खुल्न बाँकी रहेको उनले बताए । यसपालि आरोहीका लागि मौसमअनुकूल नै भएको निर्देशक उपाध्यायले बताए । ‘यो वर्ष हिमालमा तुलनात्मकरूपमा कम मानवीय क्षति भएको छ’, उनले भने, ‘यसो हुनुमा फटाफट आरोहण हुनु र मौसमले पनि साथ दिनु हो ।’ यस वर्ष आरोहीहरूका लागि मौसमअनुकूल नै देखिएको उपाध्यायले बताए ।
आरोहण दरमा वृद्धि : यो वर्षअनुकूल मौसम र ठूलो अप्रिय घटना नभएका कारण आरोहीको सफलता दर पनि बढिरहेको निर्देशक उपाध्यायले बताए । यसको विस्तृत विवरण भने सबै आरोही काठमाडौं फर्किएर सम्पर्क अधिकृतले दिने विवरण पछि निश्चित हुने उनको भनाइ छ । यो वर्ष कुल एक सय २३ समूहका नौ सय ६८ जना आरोहीले हिमाल चढ्न अनुमति लिएका थिए । यसमध्ये सात सय ५८ जना पुरुष र दुई सय १० जना महिला थिए ।
यो वर्ष कुल २७ वटा हिमालमा आरोहण अनुमति जारी भएको थियो । यसमध्ये सगरमाथामा मात्र ४२ समूहका तीन सय १९ जनाले अनुमति लिएका थिए । पर्यटन विभागका अनुसार यो सिजनमा सरकारले ४८ करोड रुपैयाँ रोयल्टी संकलन गर्न सफल भएको छ । जसमध्ये सबैभन्दा धेरै ३९ करोड ९५ लाख रुपैयाँ रोयल्टी सगरमाथाबाट उठेको छ । ल्होत्से हिमालबाट दुई करोड ८४ लाख र कन्चनजंगा हिमालबाट एक करोड ३० लाख रुपैयाँ रोयल्टी उठेको विभागले जनाएको छ ।
क्याटेगोरी : नेपाल
ताजा अपडेट
- पाठ्यक्रममै प्रविधिको विकास गरौँ
- पूर्वपश्चिम राजमार्गअन्तर्गत बागमती पुल जीर्ण बनेपछि दुर्घटनाको जोखिम
- धरौटिमा छुटे दिपेश पुन
- अर्थमन्त्री पुनको उपस्थितिमा नेपाल र चीनबीच दुई सम्झौतामा हस्ताक्षर
- नेपालमा अर्थतन्त्रका चुनौतीहरू
- भूकम्पका दश वर्ष पुनर्निर्माण अलपत्र
- प्रधानमन्त्रीसँग चिनियाँ अन्तर्राष्ट्रिय विकास सहयोग एजेन्सीका अध्यक्षको शिष्टाचार भेट
- लाभांश बाड्न नसक्ने अवस्थामा फाइनान्स कम्पनीहरु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया