अरुणिमा प्रतिष्ठानको साधारणसभा

अवसरबाट बञ्चित विद्यार्थीलाई शिक्षा प्रदान गर्ने तथा विपत्तिमा परेका मानिसको उद्धारमा योगदान पु¥याउने मूल लक्ष्यसहित स्थापित अरुणिमा परोपकार प्रतिष्ठानको पहिलो वार्षिक साधारणसभा राजधानीमा सम्पन्न भएको छ ।
साधारणसभामा प्रतिष्ठानका कोषाध्यक्ष अर्जुन शाक्यले आर्थिक प्रतिवेदन पेश गरेका थिए । उनका अनुसार संस्थामा हालसम्म २८ लाख सात हजार नौ सय ४२ को मूल अक्षयकोष खडा भइसकेको छ ।

सोही अवसरमा प्रतिष्ठानका अध्यक्ष भीमानन्द ढुंगानाले चेतनाथ÷सावित्रादेवी ढुंगाना र घनश्याम÷कुन्तीदेवी दाहाल स्मृति अरुणिमा छात्रवृत्ति कोषका लागि १० लाख १५ हजार चार सय ४३ रुपैयाँको प्रतिबद्धता प्राप्त भएको जानकारी दिए । यो कोषको रकम सिन्धुपाल्चोकस्थित मेलम्चीनगर क्षेत्रका गरिब तथा जेहेन्दार विद्यार्थीलाई उपलब्ध गराइने छ ।

प्रतिष्ठानले लक्ष्मी चालिसे स्मृति अरुणिमा छात्रवृत्ति १५ लाख, अग्निशिखा स्मृति अरुणिमा छात्रवृत्ति दुई लाख, पशुपतिराज÷मृगेन्द्रकुमारी मिश्र स्मृति अरुणिमा छात्रवृत्ति पाँच लाख २० हजार, सुवास अधिकारी स्मृति अरुणिमा छात्रवृत्ति दुई लाख १० हजार, रामजीप्रसाद÷कमलादेवी न्यौपाने स्मृति अरुणिमा छात्रवृत्ति १० लाख वितरण गर्दै आएको छ । यस्तै, अरुणिमा शैक्षिक प्रतिष्ठान छात्रवृत्ति पाँच लाख १३ हजार, अरुणिमा एल्मुनाई एसोसिएसन छात्रवृत्ति तीन लाख ७३ हजार छ सय ९२ लगायतका नाममा लक्षित वर्गलाई सहयोग गर्दै आएको प्रतिष्ठानका सचिव जितेन्द्र श्रेष्ठले जानकारी दिए । मूल कोष र सहायक कोष गरी प्रतिष्ठानमा करिब ७४ लाख रुपैयाँ जम्मा भइसकेको प्रतिष्ठानका अध्यक्ष ढुंगानाले जानकारी दिए ।