सानिमा बैंकको १४ प्रतिशत लाभांश

काठमाडौं  सानिमा बैंकले १४ दशमलव ७० प्रतिशत लाभांश वितरण गर्ने घोषणा गरेको छ । बैंकको बिहीबार बसेको सञ्चालक समितिको बैठकले आफ्ना सेयरधनीलाई आर्थिक वर्ष २०७९÷८० को मुनाफामध्येबाट उक्त अनुपातमा लाभांश वितरण गर्ने घोषणा गरेको हो ।

बैंकका अनुसार घोषित लाभांशमध्येमा नौ प्र्रतिशत बराबरको बोनस सेयर र कर प्रयोजनका लागि समेत गरी पाँच दशमलव सात प्रतिशत बराबरको नगद लाभांश रहेको छ । लाभांश वितरणसम्बन्धी सञ्चालक समितिले गरेको उक्त प्रस्ताव नेपाल राष्ट्र बैंकको स्वीकृति एवम् बैंकको आगामी वार्षिक साधारणसभाबाट पारित भएपछि कार्यान्वयनमा आउने बैंकको भनाइ छ ।