जन्ती बोकेको गाडी दुर्घटना हुँदा एकको मृत्यु

खलङ्गा (प्युठान) । प्यूठानको ऐरावती गाउँपालिका–२ बरौलाबाट खलङ्गाको बुढाचौरमा जन्ती बोकेको गाडी दुर्घटना हुँदा एकजनाको मृत्यु भएको छ । प्रहरीले जन्ती लिएर आउँदै गरेको स्कार्पियो बरौलाको मोति माध्यमिक विद्यालयको पूरानो भवन नजिकै दुर्घटना भएको जनाएको छ ।

जिल्ला प्रहरी कार्यालयका सूचना अधिकारी हुमानन्द खनालले बिहीबार स्कार्पियोको अगाडीको टायर पङ्चर भई ब्रेक फेल भएर दुर्घटना भएको जानकारी दिए ।

जिल्ला प्रहरी कार्यालयका प्रमुख इश्वर थापाका अनुसार दुर्घटनामा परि गाडीको अगाडी बाटोमा हिडेका मल्लरानी गाउँपालिका–३ का वडासदस्य दामोदर नेपालीको मृत्यु भएको हो । दुर्घटनामा घाइते भएकाहरुको जिल्ला अस्पताल बिजुवारमा उपचार भइरहेको छ ।