बैंकहरूको सबैभन्दा बढी खराब कर्जा बागमती प्रदेशमा
बैंक तथा फाइनान्स कम्पनीहरुको लागि मुख्य कारोबार केन्द्र मानिएको बागमती प्रदेशमा बैंक तथा फाइनान्स कम्पनीहरुको सबैभन्दा बढी खराब कर्जा (एनपीएल) देखिएको छ ।
नेपाल राष्ट्र बैंकले गरेको एक अध्ययन प्रतिवेदनअनुसार बागमती प्रदेशमा बैंक तथा फाइनान्स कम्पनीहरुले आर्थिक वर्ष २०७८÷०७९ मा तीन हजार तीनवटा आफ्ना शाखामार्फत एक करोड ६३ लाख ८३ हजार पाँच सय ३४ वटा निक्षेप खातामार्फत ३५ खर्ब नौ अर्ब ९४ करोड १४ लाख ४० हजार रुपैयाँ निक्षेप संकलन गरेका छन् ।
सो अवधिमा बैंक तथा फाइनान्स कम्पनीहरुले सात लाख ४७ हजार आठ सय ९९ वटा कर्जा खातामार्फत कुल २६ खर्ब २१ अर्ब १५ करोड २२ लाख ५० हजार रुपैयाँ कर्जा प्रवाह गरेको देखिएको छ । यसरी कर्जा प्रवाह हुँदा बागमती प्रदेशमा मात्र छ दशमलव ७५ प्रतिशत कर्जा खराब देखिएको छ ।
प्रतिवेदनअनुसार सबैभन्दा कम खराब कर्जा भने कर्णाली प्रदेशमा देखिएको छ । कर्णाली प्रदेशमा बैंक तथा फाइनान्स कम्पनीहरुले गत आवमा १६ लाख ८८ हजार नौ सय ६५ वटा निक्षेप खातामार्फत ६० अर्ब ३२ करोड ७८ लाख ६० हजार रुपैयाँ निक्षेप संकलन गरेका छन् भने ५२ हजार नौ सय १४ वटा कर्जा खातामार्फत ५४ अर्ब ९२ करोड ९४ लाख ६० हजार रुपैयाँ कर्जा प्रवाह गरेका छन् । सो अनुसार कर्णाली प्रदेशमा जम्मा तीन दशमलव १६ प्रतिशत कर्जा मात्र खराब देखिएको छ ।
यसैगरी सुदूरपश्चिम प्रदेशमा पनि बैंक तथा फाइनान्स कम्पनीहरुले ३० लाख २० हजार छ सय ६७ वटा निक्षेप खातामार्फत एक खर्ब १५ अर्ब ६५ करोड ५४ लाख ७० हजार रुपैयाँ निक्षेप संकलन गरेका छन् । गत आवमा उक्त प्रदेशमा एक लाख सात हजार नौ सय ७२ जना ऋणीहरुलाई कुल एक खर्ब ४९ अर्ब ४६ करोड ४४ लाख ५० हजार रुपैयाँ कर्जा प्रवाह भएको छ । सोही आधारमा उक्त प्रदेशमा तीन दशमलव ५३ प्रतिशत कर्जा खराब देखिएको छ ।
बैंक तथा फाइनान्स कम्पनीहरुले लुम्बिनी प्रदेशबाट पनि गत आवमा ७० लाख ३२ हजार पाँच सय ९५ वटा निक्षेप खातामार्फत चार खर्ब २७ अर्ब २४ करोड ४४ लाख ४० हजार रुपैयाँ निक्षेप संकलन गरी तीन लाख १८ हजार पाँच सय ९७ वटा कर्जा खातामार्फत पाँच खर्ब ३८ अर्ब ७५ करोड ६४ लाख ८० हजार रुपैयाँ कर्जा प्रवाह गरेका छन् ।
उक्त परिमाणमा कर्जा प्रवाह हुँदा लुम्बिनी प्रदेशमा तीन दशमलव ६९ प्रतिशत कर्जा खराब देखिएको छ । प्रतिवेदनअनुसार गण्डकी प्रदेशमा भने ५० लाख ४४ हजार छ सय ३४ वटा निक्षेप खातामार्फत तीन खर्ब ९८ अर्ब १२ करोड ८३ लाख ७० हजार रुपैयाँ निक्षेप संकलन हुुँदा दुई लाख ५९ हजार दुई सय ६५ वटा कर्जा खातामार्फत तीन खर्ब ५३ अर्ब ७१ करोड २९ लाख ९० हजार रुपैयाँ कर्जा प्रवाह भएको छ ।
सोही आधारमा गण्डकी प्रदेशमा चार प्रतिशत कर्जा खराब देखिएको छ । मधेश प्रदेशमा भने ५४ लाख ६५ हजार छ सय ९५ वटा निक्षेप खातामार्फत दुई खर्ब ६१ अर्ब ८१ करोड ८२ लाख ५० हजार रुपैयाँ निक्षेप संकलन हुुँदा दुई लाख २७ हजार दुई सयवटा कर्जा खातामार्फत चार खर्ब ३० अर्ब ९० करोड चार लाख ९० हजार रुपैयाँ कर्जा प्रवाह भएको छ ।
राष्ट्र बैंकका अनुसार गत आवमा प्रदेश नं. १ मा भने बैंक तथा फाइनान्स कम्पनीहरुले ६० लाख ४२ हजार नौ सय ५१ वटा निक्षेप खातामार्फत तीन खर्ब ६६ अर्ब ६८ करोड ४९ लाख रुपैयाँ निक्ष्ोप संकलन गरेकोमा तीन लाख आठ हजार आठ सय ९७ वटा कर्जा खातामार्फत पाँच खर्ब ४३ अर्ब ९९ करोड ५६ लाख ९० हजार रुपैयाँ कर्जा प्रवाह गरेका छन् । उक्त परिमाणमा कर्जा प्रवाह हुँदा प्रदेश नं. १ मा तीन दशमलव ८९ प्रतिशत कर्जा खराब देखिएको प्रतिवेदनमा उल्लेख छ ।
क्याटेगोरी : समाचार
ताजा अपडेट
- इलाम उपनिर्वाचनः फाकफोकथुम–१,२ , ३ र ४ को मतगणना सकियो
- पहिचानसहितको नागरिकता पाउनुपर्ने यौनिक तथा लैङ्गिक अल्पसङ्ख्यक समुदायको माग
- दोहोरो अंकले उक्लियो सेयर बजार
- हिमाञ्चल प्रदेशमा बहादुरसिंहको शालिक अनावरण
- हालसम्म मकवानपुरमा डेङ्गु सङ्क्रमितबाट एक जनाको मृत्यु
- इलाम उपनिर्वाचन: फाकफोकथुम–१ को मतगणना सकियो
- बझाङ उपनिर्वाचन अपडेट: चार सय मत गणना
- कामपाका सामुदायिक विद्यालय प्रविधिमैत्री बन्दै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया