‘आगामी बजेट कृषि र उत्पादन तथा रोजगार केन्द्रित’
दोलखा । प्रधानमन्त्री पुष्पकमल दाहाल प्रचण्डले आगामी बजेट कृषि, उत्पादन र रोजगार केन्द्रित हुने बताएका छन् । मंगलबार दोलखाको जिरीस्थित ङाग्युर येशे ख्युङजोङलिङ गुम्बाको उद्घाटन गर्दै प्रधानमन्त्री दाहालले आगामी आर्थिक वर्षको बजेट, निति तथा कार्यक्रम उत्पादन तथा रोजगार केन्द्रित बनाई ल्याउने बताएका हुन् ।
खस्किँदो अवस्थामा रहेको देशको अर्थतन्त्र बिस्तारै सुधारोन्मुख हुँदै गएको पनि प्रधानमन्त्री दाहालले बताए । अर्थतन्त्रलाई लयमा ल्याउन बैंकको ब्याजदर घटाउनेबारेमा छलफल भइरहेको उनको भनाइ थियो । प्रधानमन्त्री दाहालले अहिलेको अवस्थामा सरकार आर्थिक दबावमा रहे पनि बिस्तारै यो समस्याबाट मुक्त हुने विश्वास व्यक्त गरे ।
कार्यक्रममा दोलखा एक पर्यटकीय तथा धार्मिक महत्वले भरिपूर्ण भएकाले यसलाई पर्यटकीय जिल्लाको रूपमा विकास गर्नुपर्नेमा जोड दिइएको थियो । प्रधानमन्त्री दाहालले जिरीभित्र रहेका ग्रामीण सडक कालोपत्रे गर्ने प्रतिबद्धता जनाए । जिरी नगरपालिका–२ एलुङमा रहेको ङाग्युर येशे ख्युङजोङलिङ गुम्बा २०७२ सालमा गएको विनाशकारी भूकम्पले पूर्णरुपमा क्षति भएको थियो । भूकम्प गएको आठ वर्षपछि उक्त गुम्बाको पुननिर्माण सम्पन्न भएको हो ।
गुम्बा व्यवस्थापन समितिका अध्यक्ष नाम्छेन शेर्पाले भारत स्थायी घर भएका लामा गुरु स्यारपुर धम्च्यो ग्याच्छो रिन्पुछेको साँढे तीन करोड रुपैयाँ सहयोगमा गुम्बा निर्माण गरेको जानकारी दिए ।
क्याटेगोरी : प्रदेश समाचार, बागमती प्रदेश, समाचार
ट्याग : #Page 8
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया