कोशी चिउरा मिलमा आगलागी, एक करोड ५० लाखको क्षति

पथरी (मोरङ) । गएराति मोरङको पथरी शनिश्चरे वडा नं १ बुद्धचोकमा रहेको कोशी चिउरा मिलमा आगलागी भएको छ । राति १२ बजे मिलमा आगलागी हुँदा एक करोड ५० लाखको क्षति भएको छ । मिलका मेसिनरीसहित त्यहाँ राखिएको अन्न खरानी भएको छ ।

मिलमा कोही नबस्ने भएकाले आगो सल्केको दुई घण्टापछि मात्र स्थानीयले थाहा पाएका थिए । स्थानीय, नेपाल प्रहरी र सशस्त्र प्रहरी बलको सहयोगमा आगो निभाइएको थियो । आगो निभाउन पथरीशनिश्चरे, उर्लाबारी, कानेपोखरी र बेलबारी नगरपालिकाका दमकल प्रयोग गरिएको थियो । प्रहरी कार्यालय पथरीले आगलागीको कारणबारे यकिन जानकारी प्राप्त नभएको जनाएको छ ।