काठमाडौं, पुस १८
गृह मन्त्रालय र अन्तर्गतका निकायहरूमध्ये बेरुजु फर्छ्यौट मापनको वर्गीकरणमा नेपाल प्रहरी सर्वोत्कृष्ट स्थान हासिल गर्न सफल भएको छ । आव २०७४/०७५ सम्मको बेरुजुलाई ८८ दशमलव ५० प्रतिशत फर्छ्यौट गराई नेपाल प्रहरी सर्वोत्कृष्ट स्थान हासिल गर्न सफल भएको हो । त्यस्तै सशस्त्र प्रहरीले ८६ दशमलव ९६ प्रतिशत बेरुजु फर्छ्यौट गरेको छ । अध्यागमन विभागले ८४ दशमलव ६२ प्रतिशत बेरुजु फछ्र्यौट गरेको छ भने गृह मन्त्रालयले ७४ दशमलव ४१ प्रतिशत बेरुजु फर्छ्यौट गरेको छ । गृह मन्त्रालयमा बिहीबार आयोजित कार्यक्रममा गृहमन्त्री रामबहादुर थापा ‘बादल’ले सर्वोत्कृष्ट र उत्कृष्ट इकाइलाई पुरस्कृत गरेका छन् ।
गृहमन्त्री थापाले गृहसचिव प्रेमकुमार राई, प्रहरी महानिरीक्षक सर्वेन्द्र खनाल, सशस्त्र प्रहरी महानिरीक्षक शैलेन्द्र खनाल र अध्यागमन विभागका महानिर्देशक ईश्वरराज पौडेललाई १०/१० हजार रूपैयाँसहित पुरस्कृत गरेका हुन् । त्यस्तै, तत्कालीन आर्थिक प्रशासन शाखा प्रमुख उपसचिव शिवनाथ पौडेल, लेखा अधिकृत मिठाराम सुवेदी, शालिकराम पराजुली र लेखापाल नरबहादुर कुँवर आठ/आठ हजार रूपैयाँसहित पुरस्कृत भएका छन् ।
गृह मन्त्रालय र अन्तर्गतका निकायहरूले आव २०७४/०७५ सम्मको बाँकी बेरुजु फछ्र्यौटको प्रगतिका आधारमा बेरुजु फछ्र्यौट मूल्याङ्कन तथा अनुगमन समितिको सिफारिसबमोजिम नेपाल सरकार (मन्त्रीस्तर)को निर्णयअनुसार उक्त निकायहरूलाई सम्मान गरिएको हो । बेरुजु फर्छ्यौट मापनको वर्गीकरणमा गत आव मा समेत नेपाल प्रहरी सर्वोत्कृष्ट स्थान हासिल गर्न सफल भएको थियो ।
क्याटेगोरी : समाचार
ताजा अपडेट
- बझाङ उपनिर्वाचनः एमालेका भण्डारी विजयी
- काठमाडौं महानगरद्वारा मटिहानीका आगलागी पीडितलाई १० लाख सहयोग
- छिमेकको छोरीको हत्या गरेको आरोपमा आमाछोरी पक्राउ
- जिप दुर्घटनामा एक महिलाको घटनास्थलमै मृत्यु
- तिब्बतसँगको व्यापारिक सम्बन्ध नयाँ उचाइमा पुग्ने मन्त्री भण्डारीको विश्वास
- सञ्चारमन्त्रीद्वारा राजपुर हाडबासको आगलागी घटनाप्रति दु:ख व्यक्त
- किन्ताङफेदीमा चार दशकपछि पुल निर्माण
- लगानी सम्मेलन: पिपिपी सहकार्यका लागि दुई संस्थाबीच समझदारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया