काठमाडौं ।
नवनियुक्त श्रम, रोजगार तथा सामाजिक सुरक्षामन्त्री गौरीशंकर चौधरीले मुलुकमै रोजगारी सिर्जना गर्नु आफ्नो पहिलो प्राथमिकता रहेको बताएका छन् । आइतबार सिंहदरबारस्थित मन्त्रालयमा पदभार ग्रहणको क्रममा उनले कोभिड १९ महामारीका कारण नेपालका साथै विश्वभर रोजगारीको समस्या मुख्य समस्या रहेको बताउँदै मुलुकको बेरोजगार समस्या समाधान गर्न आफू अग्रसर रहने बताए ।
‘कोभिड महामारीका कारण उद्योगधन्दा बन्द छ, रोजगारी सिर्जना हुनसकेको छैन’, उनले भने, ‘यस्तो अवस्थामा पनि रोजगारी सिर्जना गर्नु आवश्यक छ, जति सक्छु रोजगारी सिर्जना गर्नेछु नसकेको विषयमा सबैलाई जानकारी गराउनेछु र कमजोरी भएमा माफी माग्नेछु ।’ यस्तै मन्त्री चौधरीले विभिन्न मुलुकहरुसँग भएको श्रम सम्झौताको विषयमा अध्ययन गर्ने बताए । ‘श्रम सम्झौता भएका मुलुकसँग श्रम सम्झौताको अवस्था कस्तो छ त्यसको अध्ययन गर्छु’, उनले भने, ‘आवश्यकताअनुरुप सम्झौता अघि बढाउने काम गर्नेछु ।’
मेनपावरबाट हुने ठगीलाई कम गर्ने बताउँदै उनले मेनपावरले कानुनविपरीत काम गरिरहेका छन् भने त्यसलाई कसरी रोक्ने सकिन्छ त्यसतर्फ छलफल अघि बढाउने मन्त्री चौधरीले बताए । मन्त्री चौधरीले आफूले भर्खरै श्रम मन्त्रालयका जिम्मेवारी सम्हालेको बताउँदै मन्त्रालयले विगतमा गरेको कामकारबाहीको अध्ययन गरी भोलिका दिनमा कसरी अघि बढ्ने भन्ने निर्णय लिने बताए । नवनियुक्त श्रममन्त्री चौधरीसँग यसअघि कृषि मन्त्रालय सम्हालेको अनुभव छ ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया