बैंकिङ कसुर मुद्दाका फरार प्रतिवादी मानन्धर पक्राउ
काठमाडौं ।
बैंकिङ कसुर मुद्दाका फरार प्रतिवादी पक्राउ परेका छन् । केन्द्रीय अनुसन्धान ब्युरो (सीआईबी)ले काठमाडौं महानगरपालिका–२२ पाको न्युरोड बस्ने ४४ वर्षीय सुरेश मानन्धरलाई बिहीबार बैंकिङ कसुरको अभियोगमा पक्राउ गरेको जानकारी दिएको छ ।
सीआईबीका अनुसार मानन्धरविरुद्ध बैंकिङ कसुरका दुुईवटा मुद्दामा उच्च अदालत पाटनको २०७७ मंसिर १५ गतेको फैसलाले क्रमशः २० दिन कैद र करिब ३० लाख रूपैयाँ जरिवाना तथा १५ दिन कैद र २६ लाख रुपैयाँ जरिवाना ठहर भएको थियो । त्यसपश्चात् फरार रहेका मानन्धरलाई प्रहरी प्रधान कार्यालय केन्द्रीय अनुसन्धान ब्युरोबाट खटिएको प्रहरीले झम्सीखेल ललितपुरमा छुकीछिपी बसेको अवस्थामा फेला पारी पक्राउ गरेको सीआईबीकी प्रवक्ता प्रहरी उपरीक्षक गंंगा पन्तले जानकारी दिइन् ।
प्रवक्ता पन्तका अनुसार मानन्धरले आफ्नो खातामा पर्याप्त मौज्दात रकम नभएको भन्ने जानी–जानी लक्ष्मी बैंक लिमिटेड, शाखा कार्यालय हात्तीसार काठमाडौंमा भएको खाताबाट पीडितलाई रकम भुक्तान हुने गरी चेकहरु दिएकोमा बैंकिङ कसुरजन्य अपराध ठहर भएको थियो । सुमित मल्ल भन्ने सुमित राज मल्ल र कविन्द्र श्रेष्ठको जाहेरीले वादी नेपाल सरकार प्रतिवादी मानन्धर भएको बैंकिङ कसुर मुद्दाहरु (थान–२) मा उच्च अदालत पाटनको २०७७ मंसिर १५ गतेको फैसलाले मानन्धरलाई दोषी ठहर गर्दै सजाय तोकेको थियो ।
यसैबीच, सीआईबीले वैदेशिक रोजगार कसुर मुद्दाका फरार प्रतिवादी सप्तरी छिन्नमस्ता गाउँपालिका–३ वतन भएका ढुण्डीराज पोखरेल भन्ने ३६ वर्षीय राम कुमार साहलाई पनि पक्राउ गरेको छ । उक्त मुद्दामा सर्वोच्च अदालतको २०६९ जेठ १६ गतेको फैसलाले एक वर्ष छ महिना कैद र एक लाख ५० हजार रुपैयाँ जरिवाना ठहर भई फरार रहेका साहलाई प्रहरी ब्युरोबाट खटिएको प्रहरीले ललितपुर महालक्ष्मी नगरपालिका–७ चाँगाथलीमा लुकीछिपी बसिरहेको अवस्थामा फेला पारी पक्राउ गरेको हो । पक्राउ परेका साहलाई काठमाडौं जिल्ला अदालतमा पेस गरिएकोमा अदालतको आदेशले कैद भुक्तानको लागि कारागार कार्यालय डिल्लीबजार पठाइएको सीआईबीले जनाएको छ ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया