प्रहरीद्वारा भदौमा ३४ करोड २८ लाख ६० हजार ९७ रूपैयाँ राजस्व संकलन
काठमाडौं । नेपाल प्रहरीले भदौ महिनामा ३४ करोड २८ लाख ६० हजार ९७ रूपैयाँ राजस्व संकलन गरेको छ । प्रहरीले आर्थिक वर्ष २०७८/०७९ को भदौ महिनाको मासिक कार्यप्रगति विवरण सार्वजानिक गर्दै विभिन्न शीर्षकमा उक्त रकम राजस्व स्वरूप संकलन भएको जनाएको छ ।
प्रहरीका अनुसार गत भदौ महिनामा भएका विभिन्न अपराधमा संलग्नमध्ये तीन हजार छ सय ८३ जना पक्राउ परेका छन् भने एक हजार एक सय ४३ जना फरार रहेका छन् । पक्राउ परेका अभियुक्तहरू ७६ प्रतिशत छन् भने फरार रहेका २४ प्रतिशतको खोजी भइरहेको छ । उक्त महिनामा दर्ता भएका कुल तीन हजार नौ सय आठवटा अपराधमा चार हजार आठ सय २६ अभियुक्तहरू संलग्न रहेका थिए । उनीहरूमध्ये चार हजार चार सय ९१ पुरुष र तीन सय ३५ महिला रहेका छन् ।
अदालतबाट सजाय तोकिएकामध्ये एक हजार चार सय ४४ जना फरार प्रतिवादीहरू भदौ महिनामा पक्राउ परेका छन् । उनीहरूलाई छ सय ६४ वर्ष १० महिना ११ दिन कैद सजाय तोकिएको छ । साथै जरिवानाबापत बिगो रकम छ करोड ७१ लाख ३५ हजार छ सय ९७ रूपैयाँ असुल भएको छ । यस्तै भदौ महिनामा भएका एक हजार सात सय ९८ वटा सवारी दुर्घटनामा परी एक सय ७० जनाको मृत्यु भएको छ भने पाँच सय १५ जना गम्भीर घाइते भएका छन् । औसतमा देशभरि प्रतिदिन ५८ वटा सवारी दुर्घटना दर्ता भएको तथ्यांकले देखाएको छ ।
उक्त महिनामा कुल तीन सय चारवटा लागुऔषधसम्बन्धी मुद्दा दर्ता भएकोमा चार सय ७५ जना मानिसहरू पक्राउ परेका छन् । साथै ७९० किलो गाँजा, ३६ दशमलव २ किलो चरेश, सात सय ५४ ग्राम र हेरोइन दुई किलो अफिम र दुई दशमलव ९६ किलो कोकिन बरामद भएको छ । भदौ महिनामा ४८ नाल हातहतियार, विभिन्न हतियारहरूमा लाग्ने २० राउन्ड गोली र तीन थान म्यागजिन बरामद गरिएको छ । अवैध हातहतियारसहित २६ जना पक्राउ परेका छन् ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया