श्री लालीगुराँस सहकारीको भवन नै मापदण्डविपरीत
ललितपुर । पुल्चोकमा रहेको श्री लालीगुराँस बहुउद्देश्यीय सहकारी संस्थाले सहकारीको भवन नै स्वीकृत नक्साविपरीत रहेको पाइएको छ । महानगरपालिकाबाट स्वीकृत भएको नक्सामा भवनको ढोका, सटरलगायतको संरचना दक्षिणतर्फ हुनुपर्ने उल्लेख छ । तर, सहकारीका प्रमुख कार्यकारी निर्देशक सुरेन्द्र भण्डारीले महानगरपालिकाबाट स्वीकृत भएको नक्साविपरीत संरचना बनाएका हुन् ।
नक्साअनुसार सहकारीले सडकपट्टि फर्काएर कुनै पनि संरचना निर्माण गर्न नपाउने भए पनि भण्डारीले सहकारी भवनबाट सडकतर्फ फर्काएर लालीगुराँस डेरी, होम प्रो फर्निसिङलगायत विभिन्न धन्दा चलाउँदै आएका छन् । सहकारीले घर जग्गा किन्दा पूर्वतिर कित्ता नम्बर ३२७ मा समय् फल्चा छ भन्ने जान्दाजान्दै विभिन्न अवैध संरचना निर्माण गरेको थियो । महानगरपालिकाले दुई सय छ वर्ष पुरानो समय् फल्चा निर्माण थालेपछि सहकारीको भवन नै मापदण्डविपरीत रहेको खुलेको हो ।
सहकारीले फल्चा रोक्न जिल्ला अदालत, उच्च अदालत र सर्वोच्च अदालतमा मुद्दा दायर गरे पनि सबै अदालतमा पराजित भएको थियो । पराजित भएको नजिरलाई लुकाएर फेरि जिल्ला अदालत र उच्च अदालतमा शृंखलाबद्ध रुपमा मुद्दा दायर गरिएको थियो । ती मुद्दामा समेत अदालतले यसअघि नै फैसला भइसकेकाले फल्चा निर्माण गर्न आदेश दिइसकेको छ । आदेशअनुसार महानगरपालिकाले फल्चा निर्माण थालेको छ । फल्चा पुनर्निर्माण उपभोक्ता समितिले सहकारीले पूर्वतर्फको बाटो समेत प्रयोग गर्न नपाउने भन्दै बार लगाएर अवरोध गरेको थियो । तर, भण्डारी सीडीओ घनश्याम उपाध्यायसमक्ष रोइकराइ गरेपछि सामान्य बाटो सात दिन अवधिका लागि दिइएको छ ।
सहकारीले तत्कालीन महानगरपालिकाबाट लिएको स्वीकृत नक्सामा पूर्वतर्फ कुनै बाटो र सटर समेत बनाउन नपाउने देखिन्छ । तर, भण्डारीले मनोमानी रुपमा पूर्वतर्फ नै सटर र ढोका राखेर भवन बनाएका छन् । सहकारीका कार्यकारी निर्देशक भण्डारीले अमृतराज भण्डारीसँग घर जग्गा खरिद गर्दा अगाडि पाटी छ भन्दै एक करोड २५ लाख रुपैयाँ मूल्य घटाएर किनेका थिए । ‘जनताको निक्षेप संकलन गरेर चल्नुपर्ने लालीगुराँस बहुउद्देश्यीय सहकारी संस्था चलाउने व्यक्तिले कित्ता नम्बर ३२७ मा रहेको समय् फल्चा क्वाप्पै खान खोजेका थिए’, ललितपुर महानगरपालिकाका मेयर चिरिबाबु महर्जन भन्छन्, ‘यो कामले सहकारीले आफ्नो साख गिराउने काम मात्रै भयो ।’
स्थानीयका अनुसार सहकारीले नक्साअनुसार पूर्वतर्फ झ्याल समेत राख्न मिल्दैन । यसअघिका मेयरले त नक्साअनुसार भवन नभएको भन्दै भवन नै भत्काएको नजिर रहेको स्थानीयबासी बताउँछन् ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया