प्रधानन्यायाधीश राणा र माओवादी अध्यक्ष प्रचण्डबीच रहस्यमय भेटवार्ता
काठमाडौँ । प्रधानन्यायाधीश चोलेन्द्र शमशेर जंग बहादुर राणा र सत्ता गठबन्धनको एक प्रमुख घटक नेकपा माओवादी केन्द्रका अध्यक्ष पुष्पकमल दाहाल प्रचण्डबीच बुधबार साँझ रहस्यमय भेटवार्ता भएको छ । स्रोतका अनुसार उनीहरुबीच बालुवाटारमा आधा घण्टाभन्दा बढी गोप्य वार्ता भएको थियो । प्रधानन्यायाधीश राणालाई भेट्न प्रचण्ड बुधबार साँझ प्रधानन्यायाधीशको सरकारी निवास बालुवाटार पुगेका थिए ।
प्रधानमन्त्री शेरबहादुर देउवा र नेकपा एकीकृत समाजवादीका अध्यक्ष माधव नेपालसँग प्रधानमन्त्रीनिवास बालुवाटारमा डेढ घण्टा भन्दा लामो समय गोप्य वार्ता गरेपछि प्रधानन्यायाधीश राणालाई भेट्न अध्यक्ष प्रचण्ड प्रधानन्यायाधीशको निवासमा पुगेका थिए । प्रधानन्यायाधीशलाई भेट्न जानुअघि तीन नेताको प्रधानमन्त्रीको निवासमा भएको गोप्य वार्तामा जसपाका नेता बाबुराम भट्टराई पनि सहभागी थिए । उक्त वार्ता हुनुअघि माधव नेपालको निजी निवास कोटेश्वर पुगेर प्रचण्डले उनीसँग आधा घण्टाभन्दा लामो समय छुट्टै वार्ता गरेका थिए । प्रचण्डले माधव नेपाललाई भेट्नुअघि माधव नेपालले मोहन वैद्य नेतृत्वको माओवादी क्रान्तिकारीका नेता सीपी गजुरेललाई आफ्नै निवासमा बोलाएर लामो गोप्य वार्ता गरेका थिए ।
यति लामो गोप्य वार्ताको सिलसिलापछि अध्यक्ष प्रचण्ड प्रधानन्यायाधीश राणालाई भेट्न उनको निवासमा पुग्नुले मात्रै रहस्यमय भएको होइन कि प्रधानन्यायाधीशलाई सत्ताधारी गठबन्धनका प्रमुख राजनीतिक नेताले यसरी भेट्नु नै रहस्यपूर्ण मानिन्छ र यस्तो भेटवार्ता अत्यन्त अनौठो र दुर्लभ पनि मानिन्छ ।
प्रधानमन्त्री देउवाले गठबन्धनको सरकारले अपेक्षित गति लिन नसकेको भन्दै प्रमुख सत्ता साझेदार प्रचण्ड, माधव नेपाल र उपेन्द्र यादवलाई आफ्नो पार्टी नेपाली कांग्रेसको महाधिवेशनपछि अर्लि इलेक्सनमा जान अनौपचारिक रुपमा प्रस्ताव गरिसकेको अवस्थामा सर्वाेच्च अदालतमा रहेका राजनीतिक दलका नेताहरुविरुद्धका ललितानिवास प्रकरणलगायतका मुद्दाहरुका साथै सत्ता र राजनीतिक दलहरुसँग जोडिएका मुद्दाहरु सर्वोच्च अदालतमा सुनुवाइको अन्तिम चरणमा रहेको बेला सत्ता वरिपरि रहेको सबै कम्युनिष्ट नेताहरुबीच आपसी छलफल गरेर प्रतिनिधिपात्रका रुपमा प्रचण्डले प्रधानन्यायाधीश राणालाई उनकै निवासमा पुगेर गोप्य भेटवार्ता गर्नुलाई निकै रहस्यमय मानिएको छ ।
क्याटेगोरी : समाचार
ताजा अपडेट
- ‘मौरिस हर्गोज’ पदमार्गको प्रवर्द्धनका लागि म्याग्दीका जनप्रतिनिधिको पदयात्रा
- क्षमतावान् जनशक्ति उत्पादन र उपयोगमा जोड
- वायुसेवा निगमको व्यावसायिक सुधारका लागि सबै एकतावद्ध हुनुपर्छः मन्त्री तामाङ
- झापामा अज्ञात व्यक्तिको आक्रमणबाट विद्यार्थी घाइते
- मिडियाको सबलीकरण र श्रमजीवी पत्रकारको हित प्रवर्द्धन सँगसँगै अघि बढाउन प्रयासरत छौँ: सञ्चारमन्त्री शर्मा
- इच्छाशक्ति हुने हो भने बजेट आफै व्यवस्थापन हुन्छ: उपप्रधानमन्त्री लामिछाने
- गर्मी बढेपछि बालबालिकामा सङ्क्रामक रोगको समस्या बढ्यो
- वैशाख २३ गते मुख्यमन्त्री अधिकारीले विश्वासको मत लिने
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया