दोलखा । स्थानीय किसानले उत्पादन तथा सङ्कलन गरेको दुध गाउँबाटै बिक्री हुन थालेपछि गाईभैँसी पालक किसान खुसी भएका छन् । जिल्लाको गौरीशंकर गाउँपालिका –२ र बैतेश्वर गाउँपालिका–८ का किसानले उत्पादन गरेको दुध यहाँका दुईवटा सहकारीले बजारमा बिक्री गर्न सहजीकरण गरिदिएका छन् ।
गौरीशंकर गाउँपालिका गैँरीको प्रगतिशील बहुउद्देश्यीय संस्थाले स्थानीय गाईभैँसी पालक किसानले उत्पादन गरेको दुधको मूल्य तोकेर नै दैनिक सय लिटर दुध बिक्री गर्दै आएको छ भने बैतेश्वर एवोको जनप्रेमी कृषि सहकारी दैनिक दुई सय लिटर दुध सङ्कलन गरेर बिक्री गर्दै आएको छ । यहाँका यी दुईवटा संस्थाले किसानलाई प्रतिलिटर ६५ रूपैयाँ दिँदै दुध सङ्कलन गरेर सदरमुकाम चरीकोटमा रहेको दुग्ध सङ्कलन संस्था दोलखा डेरीलाई दुध पठाउने गरेका छन् ।
गाउँका किसानलाई गाईभैँसी पालेर आत्मनिर्भर बनाउने उद्देश्यले सहकारीले किसानको हितको लागि पाँच करोड ऋण लगानी गरेको प्रगतिशील बहुउद्देश्यीय संस्थाका अध्यक्ष बलराम पाण्डेले जानकारी दिए । यस्तै सहकारीले कृषि ज्ञानकेन्द्र रामेछापको अनुदानमा समन्वय गरेर गाउँमै एकीकृत नमूना कृषि फार्म खोलेर भैँसी पालन समेत गरेको छ । अध्यक्ष पाण्डेका अनुसार करिब ३९ लाख लगानीमा घेराबारसहितको भैँसी फार्म खोलिएको छ ।
फार्म सुचारुको लागि ज्ञान केन्द्रले करिब १४ लाख अनुदान दिएको छ भने सहकारीले २५ लाख रूपैयाँ लगानी गरिसकेको छ । फार्मबाट दैनिक २२ देखि ४० लिटर दुध उत्पादन हुँदै आएको उनले जानकारी दिए । फार्ममा तराईबाट किनेर ल्याएका चारवटा दुहुनो भैँसी छन् । त्यसबाहेक किसानलाई घाँसखेती गर्न तथा केरा र बेसार खेतीको लागि अनुदान दिएको अध्यक्ष बलराम पाण्डेले बताए ।
यता बैतेश्वरका दुध उत्पादक किसानलाई भने वडाले पनि सहयोग गर्दै आएको छ । वडाले किसानले उत्पादन गरेको दुधमा प्रतिलिटर दुई रूपैयाँ अनुदान दिने गरेको बैतेश्वर गाउँपालिका–८ का वडाअध्यक्ष सान्त जिरेलले बताए । वडाले स्थानीय जनप्रेमी कृषि सहकारीमार्फत दुध सङ्कलन केन्द्र स्थापना गरेर केन्द्रबाटै किसानले ल्याएको दुधलाई चरीकोट पठाउने गरेको छ ।
गाउँकै सहकारीले समन्वय गरेर गाउँबाटै दुध बिक्री हुन् थालेपछि गाउँका किसान खुसी भएको जनप्रेमी कृषि सहकारी संस्थाका अध्यक्ष टिका बहादुर खत्रीले बताए । सहकारीले दुधमा मात्रै नभई आलू तथा तरकारी खेतीमा समेत लगानी गर्दै आएको खत्रीले बताए ।
क्याटेगोरी : सहकारी–कृषि
ताजा अपडेट
- तेस्रो लगानी सम्मेलनमा सहभागी अतिथिहरु
- राष्ट्रपतिद्वारा लगानी सहजीकरणसम्बन्धी अध्यादेश २०८१ जारी
- नेपाल सरकार मुलुकमा लगानीमैत्री वातावरण निर्माण गर्न प्रतिवद्ध छ: अध्यक्ष ढकाल
- नेपाल राष्ट्र बैंकको ६९औँ वार्षिकोत्सव सम्पन्न
- एनआईसी एसिया बैंकमा खनिया सहायक प्रमुख कार्यकारी अधिकृतमा बढुवा
- धेरै रेमिट्यान्स भित्र्याउने बैंक तथा वित्तीय संस्थामा ग्लोबल आईएमई बैंक
- नैतिक आचरण प्रवर्द्धन कसको दायित्व ?
- हाकिमको गाली, कारिन्दाको कुर्सी खाली
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया