अमेरिकी राजदूतसँग व्यापार सहजीकरणका लागि पहल गर्न उद्योगीको आग्रह
विराटनगर । उद्योग संगठन मोरङका प्रतिनिधिले नेपालका लागि अमेरिकी राजदूत डिन आर थम्प्सनसँग नेपाल र अमेरिकाको व्यापार सहजीकरण गरिदिन आग्रह गरेका छन् ।
संगठनका अध्यक्ष सुयश प्याकुरेलले अमेरिकाले नेपाललाई सहुलियतपूर्ण प्रवेशको अनुमति दिएको ७७ वटा वस्तुहरु खासै निर्यात हुन नसकेको तथ्यलाई मध्यनजर गरी उक्त वस्तुहरुको सूची पुनरवलोकन गर्न आग्रह गरेका थिए । उनले ऊर्जाका क्षेत्रमा नेपालमा भइरहेको लगानी रन अफ रिभरमा आधारित रहेकाले आगामी दिनमा अमेरिकी सरकारले एमसीसीजस्ता ठूला र दीर्घकालीन महत्व राख्ने परियोजनाअन्तर्गत लगानी गर्दा जलाशययुक्त विद्युत् गृह र नेपालको जलमार्ग विकासतर्फ लगानी गर्न समेत सुझाव दिए । त्यसैगरी अध्यक्ष प्याकुरेलले नेपालको उद्योग व्यवसायहरुको प्रतिस्पर्धी क्षमता र उत्पादकत्व अभिवृद्धिका साथै हरित उत्पादनलाई दृष्टिगत गरी अमेरिकाले प्रयोगमा ल्याएको नवीनतम प्रविधि प्रयोग र हस्तान्तरणमा सहजीकरण तथा अनुभव आदानप्रदानमा सहयोग गर्न पनि अनुरोध गरेका छन् ।
नेपालका लागि अमेरिकी राजदूत डिन आर थम्प्सनले नेपाल र अमेरिकाबीचको व्यावसायिक विस्तारका लागि आफू सदैव सकारात्मक रहेको बताएका थिए । उनले अमेरिकाले सहुलियतपूर्ण निकासीका लागि अनुमति दिएको वस्तुको सूचीलाई पुनर्विचार गर्न आफूले भरममग्दुर पहल गर्ने बताउँदै निजी क्षेत्रको विकास र विस्तारले देशको आर्थिक विकासमा दूरगामी महत्व राख्ने उल्लेख गर्दै दुवै देशको व्यापारिक हितलाई मध्यनजर गरी सहयोगका लागि आफूले अमेरिकी सरकारसँग सहजीकरण गर्ने जानकारी गराएका थिए ।
सो अवसरमा राजदूत थम्प्सनले उद्योग संगठन मोरङमा रहेको अमेरिकन कर्नरको अवलोकन गरी विराटनगरमा रहेका अल्मुनाइहरुका साथ अन्तर्क्रिया समेत गरेका छन् । कार्यक्रममा संगठनका तर्फबाट उपाध्यक्ष राजकुमार गोल्छा, नन्दकिशोर राठी, कोषाध्यक्ष विपिन कावरा, सुशील रिजाल, सौरभ सारडा, पारस लुनिया, इन्द्र खत्री, सुदिप घिमिरेका साथै अमेरिकी दूतावासका उच्चपदस्थ प्रतिनिधिहरुको सहभागिता थियो ।
क्याटेगोरी : समाचार
ताजा अपडेट
- सुनकोशी मरिन डाइभर्सनको बाँकी काम निर्धारित समयमै सम्पन्न होस् : प्रधानमन्त्री
- चौबिस दिनमा आगलागी, डढेलो र चट्याङबाट सत्ताइस जनाको मृत्यु
- पहाडी र तराई क्षेत्रका केही स्थानमा वर्षा हुने
- आज श्रद्धापूर्वक मातातीर्थ औँसी मनाइँदै
- जसपा नेपालले कानुनी उपचार खोज्ने
- जुम्लामा भीरबाट लडेर ७० भेडा मरे
- सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी
- बैंकभन्दा ठूलो कारोबार गर्दा सहकारीमा समस्या आयो : मन्त्री अधिकारी
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया