प्राधिकरण र नेपाल एयरलाइन्सका श्रमिकमाथि शोषण !
काठमाडौं । हवाई क्षेत्रमा कार्यरत श्रमिकहरूले नेपाल सरकारको अधिनमा रहेका संस्थाहरू नागरिक उड्डयन प्राधिकरण र नेपाल एयरलाइन्सले आफूहरूमाथि शोषण गरिरहेको आरोप लगाएका छन् ।
हवाई क्षेत्रमा कार्यरत श्रमिकहरूको संस्था युनिट्राभले सोमबार त्रिभुवन अन्तर्राष्ट्रिय विमानस्थलमा क्षमता अभिवृद्धि तालिमसँगै पत्रकार सम्मेलन गरी शोषण अन्त्य नभए आन्दोलन थाल्ने चेतावनी दिएको छ । प्राधिकरण, नेपाल एयरलाइन्ससँगै एयर इन्डिया टाटाले समेत कार्यरत कर्मचारीलाई शोषण गरेको श्रमिकहरूको आरोप छ । यी संस्थाहरूले श्रमिक एवं कर्मचारीबीच नै तलब, भत्तादेखि सबै सेवा, सुविधामा विभेद गरेको युनिट्राभले जनाएको छ । यूनिट्राभका अध्यक्ष सुमनप्रसाद पराजुलीले श्रमिकहरूले मे दिवस, महिला दिवसदेखि सिपमूलक कार्यक्रममा सहभागी हुन समेत तलब, भत्ता काट्ने गरेको बताए ।
युनिट्राभका अनुसार प्राधिकरणमा दुई फरक तरिकाबाट श्रमिक राखिएको छ । त्यसमध्ये आउट सोर्सिङ कम्पनीबाट रोजगारीमा राखिएका श्रमिकलाई कानुनअनुसार पाउनुपर्ने बिदा, चार वर्षदेखि वृद्धि भएको तलब, भत्ता, कानुनले दिएको अन्य सेवा तथा सुविधा दिने गरेको छैन । यस्तै, किरिया बिदा तथा सुत्केरी बिदा समेत नदिएर तलब काट्ने गरेको श्रमिकहरूले गुनासो गर्ने गरेको युनिट्राभले जनाएको छ ।
यूनिट्राभका अध्यक्ष पराजुलीका अनुसार सुत्केरी स्याहारका लागि तीन दिन बिदा बस्दा पाँच दिनको तलब काट्ने, पाँच दिन बिदा बस्दा आठ दिनको तलब काट्नेजस्ता प्रवृत्ति हुने गरेको छ । प्राधिकरणसँग श्रमिकका समस्याबारे कुरा राख्दा आउट सोर्सिङ कम्पनीलाई राखेर समस्या समाधान गर्नुको साटो उल्टै श्रमिकलाई हप्काउने गरेको उनले बताए ।
क्याटेगोरी : समाचार
ट्याग : #Page 8
ताजा अपडेट
- प्रहरी जवान घिमिरेको हत्या आरोपमा सात जना पक्राउ
- राष्ट्रियसभाको बैठक स्थगित
- उदयपुरमा हावाहुरीले करोडौँको क्षति
- मेची भन्सारद्वारा एघार अर्ब ५९ करोड राजस्व सङ्कलन
- कामपामा न्यायसंवाद कार्यक्रम सुरु
- सेयर बजारमा देखियो उछाल
- ट्विटर एक्स डटकम भएको मस्कद्वारा पुष्टि
- भारतीय सेयरबजारबाट बाहिरियो साढे तीन अर्ब डलर लगानी
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- चिया पसल पनि कम्पनी ?
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया