महालेखापरीक्षकबाट आधा महिनाको तलब सहयोग

काठमाडौँ ,चैत २६

सरकारले स्थापना गरेको कोभिड– १९ सङ्क्रमण, रोकथाम, नियन्त्रण तथा उपचार कोषमा महालेखापरीक्षकको कार्यालयले सहयोगस्वरुप २४ लाख ३४ हजार ६ सय ८६ उपलब्ध गराएको छ ।

कोषमा महालेखापरीक्षक टङ्कमणि शर्माले आधा महिनाको तलब र अन्य कर्मचारीले सचिवस्तरीय बैठकको निर्णयअनुसार मासिक तलबबाट कट्टा गरी रकम जम्मा गरिएको उक्त कार्यालयले प्रेस विज्ञप्तिमार्फत जानकारी दिएको छ । यसैबीच उक्त कोषमा नेपाल लेखापढी कानुन व्यवसायी एसोसिएसनका तर्फबाट दुई लाख उपलब्ध गराएको अध्यक्ष सीताराम दाहालले जानकारी दिए ।