भेस्पा-अप्रिलाको नयाँ सोरुम टेकुमा

काठमाडौं । भेस्पा/अप्रिलाको नेपालका लागि आधिकारिक विक्रेता डेल्टा अटोकर्प प्रालिले आफ्नो नयाँ सोरुम टेकुमा सञ्चालनमा ल्याएको छ ।

डेल्टा अटोकर्पका अध्यक्ष पुल्कित भिमसरिया, निर्देशकद्वय विवेक सिकारीया र केतन भिमसरिया र प्रमुख कार्यकारी अधिकृत विजयकुमार महतोले संयुक्तरूपमा सो सोरुमको उद्घाटन गरेका थिए । कम्पनीले सोमबारबाट नै टेकु सोरुम सञ्चालनमा ल्याएको जनाएको छ । कम्पनीका प्रमुख कार्यकारी अधिकृत महतोले आफ्ना ग्राहकलाई सरल गराउन विभिन्न ठाउँमा आफ्नो सोरुम र सर्भिस सञ्चालनमा ल्याउने जानकारी दिए । उनका अनुसार कम्पनीले नयाँ मोडल पनि बजारमा सार्वजनिक गर्ने तयारी गरेको छ ।

कम्पनीले भदौ २६ बाट हुने नाडा अटो सोमा अप्रिलिया एस आर १६० बिएस ६ स्कुटर सार्वजनिक गर्ने तयारी गरेको महतोले जानकारी दिए । डेल्टा अटोकर्पले आफ्नो सेवाहरू नेपालको विभिन्न ठाउँहरूमा सञ्चालन गरिरहेको जनाएको छ । यस्तै, कम्पनीले आगामी दिनमा विभिन्न राइडहरूका साथै सर्भिस क्याम्पहरू पनि सञ्चालन गर्ने बताएको छ । कम्पनीका सोरुमहरू काठमाडौं उपत्यकाको विभिन्न ठाउँमा र उपत्यकाबाहिर ५० भन्दा बढी ठाउँमा रहेका छन् ।