नाडा अटो सोमा निसानको गाडी खरिद गर्दा आठ लाखसम्म छुट

काठमाडौं । निसान गाडीको आधिकारिक वितरक कम्पनी पायोनियर मोटो कर्पले नाडा अटो सोमा निसानको गाडी खरिद गर्दा आठ लाख रुपैयाँसम्म छुट दिने भएको छ । कम्पनीले निसानका गाडीमा ‘निसान फेस्टिभ ड्राइभ’ को विशेष छुटको योजनामार्फत सो छुट दिने जनाएको छ ।

यो योजना निसानका सबै गाडीहरू निसान म्याग्नाइट, निसान किक्स, निसान नाभारा, निसान लिफ, र निसान एक्स–ट्रायलमा लागू हुने कम्पनीले जनाएको छ । पायोनियर मोटो कर्पका प्रबन्ध निर्देशक सन्दीपकुमार सारडाका अनुसार नाडा अटो सो तथा सँगै आउने चाडपर्वको अवसरमा यो विशेष छुटको योजना ल्याइएको हो । यो योजना चाडपर्वको अवधिभर लागू हुने कम्पनीले जनाएको छ ।

यस्तै, योजनाअन्तर्गत ग्राहकले ‘नाडा अटो सो’मा निसान गाडी बुकिङ गर्दा विभिन्न सुविधाहरू समेत पाउने बताइएको छ । निःशुल्क गाडी व्यापक बीमा (इन्स्योरेन्स), निःशुल्क तीन वर्षको सडक कर(रोड ट्याक्स), निःशुल्क तीन वर्षको सर्भिसिङ, तीन वर्षको वारेन्टी र १३ लाखसम्म बचत हुने फाइदाबाट ग्राहकहरू लाभान्वित हुन सक्ने कम्पनीले जनाएको छ ।

कम्पनीका अनुसार यो योजना अवधिभर विभिन्न मोडलका गाडीहरू उत्कृष्ट मूल्यमा सहज फाइनान्सिङ र विशेष छुटका साथ खरिद गर्न सकिने कम्पनीले जनाएको छ ।