‘शेर्पा सारथी टीटी टायर’ सार्वजनिक

काठमाडौं । नेपाली टायर उत्पादक कम्पनी ग्रिन टायर प्रालिले ट्रयाक्टर तथा ट्रलीका लागि प्रयोग हुने शेर्पा सारथी टीटी टायर नेपालमा सार्वजानिक गरेको छ । नाडा अटो सोको उद्घाटनको अवसरमा अर्थमन्त्री डा प्रकाशशरण महतले औपचारिकरूपमा टायर सार्वजनिक गरेका हुन् ।

विशेषगरी ट्रली तथा ट्रयाक्टर ट्रलीमा प्रयोग हुने ९.००–२० र १०.००–२० का टायरहरू मोटो गोटी तथा लाइन गोटीमा १८ प्लाई रेटिङमा उपलब्ध रहेको कम्पनीले जनाएको छ । उच्च गुणस्तरीय हेभी ड्युटी ती टायरमा कट रेसिस्टेन्स क्षमता भएकाले नेपाली माटो तथा बाटोका लागि उपयुक्त भएको कम्पनीका निर्देशक विकास सिंघानियाले जानकारी दिए । यी टायर तुलनात्मकरूपमा सस्तो, सुलभ र गुणस्तरीय भएकाले बजार मागको ठूलो हिस्सा ओगट्ने उनको विश्वास छ । कम्पनीले मोटरसाइकल, स्कुटर, अटो, टेम्पु तथा ट्रयाक्टरका टायरहरू यसअघि नै बजारमा बिक्री–वितरण गर्दै आइरहेको छ । हाल कम्पनीले वार्षिक एक लाख थान टायर उत्पादन गर्दै आएको र १०० जना कामदारले प्रत्यक्ष रोजगार पाएका बताइएको छ ।