सेरेस मिनी ईभी १३ लाख ९९ हजारमा पाइने

काठमाडौं । सेरेसको मिनी ईभी नेपालमा १३ लाख ९९ हजार रुपैयाँमा पाइने भएको छ । नेपालमा सेरेस कारहरूको आधिकारिक वितरक एमएडब्लू वृद्धिले मिनी ईभी रेन्जका मूल्यहरू घोषणा गरेको हो । कम्पनीका अनुसार यी ईभीहरू नाडा अटो–सोमा सार्वजनिक गरिएको छ ।

१८० किलोमिटर बेस अप्सन भेरियन्टको मिनी ईभी १३ लाख ९९ हजार रुपैयाँमा किन्न सकिने कम्पनीले जनाएको छ । मिनी ईभीको यो भेरियन्टले आफ्नो बजेटमा कुनै कमी नगरी विद्युतीय गतिशीलता अँगाल्न खोज्नेहरूका लागि किफायती प्रवेशविन्दु प्रदान गर्ने बताइएको छ । साथै, यो मूल्य सीमित स्टकको लागि मात्र उपलब्ध रहेको कम्पनीको भनाइ छ । यसैगरी १८० किलोमिटर फूल अप्सन भेरियन्टको मिनी ईभीको मूल्य भने १६ दशमलव ४९ लाख रुपैयाँ तोकिएको छ । यस भेरियन्टले अतिरिक्त सुविधाहरू र प्रविधिको साथ उत्कृष्ट ड्राइभिङ अनुभव प्रदान गर्छ ।