सीजी नेटको ‘ह्याट्रिक दक्षिणा’ क्याम्पेन

काठमाडौं । सीजी कम्युनिकेसन्सले सीजी डिजिटल र पेमेन्ट पार्टनर इ–सेवासँग सहकार्य गर्दै आफ्नो दशैं क्याम्पेन ह्याट्रिक दक्षिणा सार्वजनिक गरेको छ । कम्पनीले दशैं र क्रिकेट विश्वकपलाई दृष्टिगत गर्दैै ह्याट्रिक दक्षिणा क्याम्पेन सार्वजनिक गरेको हो ।

योजनाअन्तर्गत उपभोक्ताले पहिलेकै मूल्यमा तेब्बर गतिको इन्टरनेट सुविधा प्राप्त गर्न सक्ने छन् । साथै, योजनाअन्तर्गत कम्बो छुटको रूपमा ३२ हजार आठ सय ५९ रुपैयाँ पर्ने ४३ इन्चको स्मार्ट टीभी, तीन महिनाका लागि सीजी नेट र आईपीटीभीको ८० एमबीपीएस सेवा प्राप्त गर्न सक्ने छन् । यो वास्तविक मूल्यको आधा हो ।

त्यसैगरी ३२ इन्चको स्मार्ट टीभी २२ हजार छ सय ४४ रुपैयाँमा खरिद गर्दा तीन महिनाका लागि सीजी नेट र आईपीटीभीको ५० एमबीपीएस सुविधा प्राप्त गर्न सक्ने छन् । सीजी स्मार्ट टीभीका लागि अधिकतम छुट सुविधाका साथै यस अफरअन्तर्गत उपभोक्ताले ५० र ८० एमबीपीएस गतिको इन्टरनेट सुविधा खरिद गर्दा तेब्बर गतिको इन्टरनेट सुविधा प्राप्त गर्न सक्ने छन् । साथै, उपभोक्ताले इ–सेवाका माध्यमबाट सीजी नेटका प्याकेजहरू खरिद गर्दा पाँच सय रुपैयाँसम्मको क्यास ब्याक प्राप्त गर्न सक्नेछन् ।