सिट्रोनको सोरुम पोखरामा

काठमाडौं । नेपालका लागि सिट्रोन गाडीको आधिकारिञक वितरक साङ्ग्रिला मोटर्स प्रालिले पोखरामा नयाँ सोरुम विस्तार गरेको छ । पोखराको नयाँबजारमा खोलिएको नयाँ सोरुम एसएसएल मोटर्स कम्पनी प्रालि रहेको छ । यो नयाँ सोरुममा सिट्रोन ईसिथ्री र सिट्रोन सिथ्री मोडले बिक्रीका लागि रहेका छन् ।

यातायात व्यवस्था कार्यालय सवारी गण्डकीका कार्यालय प्रमुख डिल्लीराज रिजाल र सिट्रोनको लागि नेपालको आधिकारिक विक्रेता सांग्रिला मोटर्सका असिस्टेन्ट जनरल म्यानेजर किरण श्रेष्ठले एक कार्यक्रमबीच सोरुमको उद्घाटन गरेका थिए । यस्तै, साङ्ग्रिला मोटर्सले दशैं र तिहारको अवसरमा प्रमोसनल स्किम पनि ल्याएको छ । यस योजनाअन्तर्गत ग्राहकहरूले आकर्षक छुट, निःशुल्क सडक कर र एक वर्षभरिको लागि निःशुल्क ब्यापक बीमालगायतका असाधारण लाभहरूको आनन्द लिन सक्ने छन् ।