Techie IT
×
गृहपृष्ठकर्पोरेटकाठमाडौंमा ‘स्टडी इन इन्डिया एक्स्पो’ सुरु

काठमाडौंमा ‘स्टडी इन इन्डिया एक्स्पो’ सुरु


काठमाडौं । अफेयर्स नेपाल प्रालिको आयोजनामा काठमाडौंस्थित होटल -याडिसनमा बृहत् शैक्षिक मेला सुरु भएको छ । बिहीबारदेखि सुरु भएकोे दुईदिने ‘स्टडी इन इन्डिया एक्स्पो’ नामको सो शैक्षिक मेलामा भारतका ४० भन्दा बढी विश्वविद्यालयको उपस्थिति रहने आयोजकले जनाएका छन् ।

आयोजकका अनुसार एक्स्पोमा कुन विषय अध्ययन गर्ने भन्ने दुविधा मेटाउन दुई सयभन्दा बढी कोर्सहरूबारे जानकारी प्रदान गरिनेछ । नेपाली विद्यार्थी र अभिभावकहरूलाई मध्यनजर गर्दै यो एक्स्पो सञ्चालन गरिएको हो ।

शैक्षिक मेलामा नयाँ पाठ्यक्रमहरू, योग्यता, मापदण्ड, आवेदन प्रक्रिया, शुल्क, नियुक्ति र छात्रवृत्ति विकल्पहरूबारे विद्यार्थी तथा अभिभावकहरूलाई जानकारी गराइनेछ । दुई दिनसम्म सञ्चालन हुने मेलामा तीन हजार विद्यार्थीहरूले अवलोकन गरी भारतको नाम चलेका विश्वविद्यालयहरुबारे जानकारी लिने अपेक्षा रहेको अफेयर्स नेपाल प्रालिका प्रबन्धनिर्देशक कुमार थपलियाले जानकारी दिए । नेपाली विद्यार्थी र अभिभावकहरूलाई मध्यनजर गर्दै यो एक्स्पो सञ्चालन गरिएको हो ।

शैक्षिक मेलामा विद्यार्थीहरूको रोजाइको विषय र भारतको नाम चलेका विश्वविद्यालयहरुबारे जानकारी लिने अवसर एक्स्पोले गर्ने निर्देशक थपलियाले बताए । भारतका प्रतिष्ठित विश्वविद्यालयका पदाधिकारीहरूसँग प्रत्यक्ष कुराकानी गरी ४० वटाभन्दा बढी प्रमुख विश्वविद्यालयहरूको जानकारी हासिल गर्नसक्ने गरी शैक्षिक मेलाको आयोजना गरिएको हो ।


क्याटेगोरी : कर्पोरेट

तपाईको प्रतिक्रिया