Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठकर्पोरेट-वाणिज्य-उद्योगतेस्रो नेपाल फाइभ पी अन्तर्राष्ट्रिय प्रदर्शनी हुने

तेस्रो नेपाल फाइभ पी अन्तर्राष्ट्रिय प्रदर्शनी हुने


काठमाडौं । तेस्रो नेपाल फाइभ पी अन्तर्राष्ट्रिय प्रदर्शनी हुने भएको छ । मिडिया स्पेस सोलुसन्स प्रालि र फ्युचरेक्स ट्रेड फेयर एन्ड इभेन्ट्स प्रालिको आयोजनामा चैत १० देखि १२ गतेसम्म भृकुटीमण्डपमा प्रदर्शनी हुनलागेको हो ।

फाइभ पी प्रदर्शनी नेपालभर रहेका प्लास्टिक, पेपर, प्रिन्टिङ, प्याकेजिङ र प्रोसेसिङसँग सरोकार राख्ने व्यापार व्यवसायहरूलाई एकै ठाउँ ल्याएर व्यापार साझेदारी, नवीनतम प्रविधि प्रदर्शन र संवाद गर्न साझा मञ्च प्रदान गर्ने एकमात्र उद्योग व्यापार विशेष अन्तर्राष्ट्रिय प्रदर्शनी हो । यस प्रदर्शनीमा स्वदेशी तथा विदेशी कम्पनीहरूका एक सय ५० भन्दा बढी स्टलहरू रहनेछन् । प्रदर्शनीमा देशभरिबाट बढीभन्दा बढी उद्यमी, अनुसन्धानकर्ता, संघ/संस्थाका प्रतिनिधि आदिले प्रदर्शनीमा आधुनिक प्रविधिहरूको अनुसरण गर्ने र जिज्ञासा मेटाउने अवसर मिल्ने कुरामा विश्वास लिइएको आयोजकले जनाएको छ । प्रदर्शनीमार्फत ती पाँच विधामा सञ्चालन भएका उद्योग र व्यापार व्यवसायहरुलाई निर्यातका नयाँ अवसरहरू, नवीनतम प्रविधिसँग सात्क्षात्कार गराउनुका साथै विभिन्न उद्योगहरूबीच प्रविधि साटासाट र सहकार्य गर्न प्रोत्साहित गर्ने आयोजकले विश्वास लिएका छन् ।

यस अन्तर्राष्ट्रिय प्रदर्शनीमा सहआयोजकका रूपमा नेपाल मुद्रण उद्योग महासंघ तथा सहयोगी संस्थाको रूपमा नेपाल कोरोगेटेड बक्स उत्पादक संघ छन् । यस प्रदर्शनीमा प्लास्टिक प्रोसेसिङ मेसिनरीका उत्पादकहरू, स्क्रिन प्रिन्टिङ, इन्डक्सन मोल्डिङ मसिन, प्रिन्टिङ मेसिन, टेप, प्लास्टिक हिटर, अफिस स्टेसनरी मसिनरी, प्रिन्टिङ स्पेर पाट्र्स, पेपर मेसिनरी, पेपर कप मेसिनरी, सबै खालका कागज र स्पेर पाटर््स, प्याकेजिङ मेसिनरी, लेबल उत्पादक, कोरुगेटेड बक्स उत्पादकलगायतका संस्थाहरूको सहभागिता रहनेछ । ‘सप्लायर्स र उत्पादकहरूको साझा मञ्च मात्र नभएर नेपाल फाइभ पीले समृद्ध नेपालको रेखाङ्कनमा पनि उत्तिकै योगदान पु-याउनका साथै संसारभरिका उत्कृष्ट प्रविधि र प्रयासहरूलाई भित्र्याउनेछ’, आयोजकले भनेको छ ।


क्याटेगोरी : कर्पोरेट-वाणिज्य-उद्योग
ट्याग : #page 3

तपाईको प्रतिक्रिया