Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठकर्पोरेट-वाणिज्य-उद्योगजगदम्बा १३औँ जितपुर सिमरा गोल्डकपको तयारी पूरा

जगदम्बा १३औँ जितपुर सिमरा गोल्डकपको तयारी पूरा


काठमाडौं । नव जनजागृति युवा क्लब सिमराको आयोजनामा हुने जगदम्बा स्टिल्स १३औँ जितपुर सिमरा गोल्ड कपको सम्पूर्ण तयारी पूरा भएको छ ।

सिमरा रङ्गशालामा बिहीबारदेखि चैत १८ गतेसम्म हुने गोल्डकपको सम्पूर्ण तयारी पूरा भएको आयोजक क्लबका अध्यक्ष रामचन्द्र लामाले जानकारी दिए । प्रतियोगितामा प्रथम हुने टिमले १० लाख, दोस्रो हुनेले पाँच लाख रुपैयाँ पुरस्कार पाउने आयोजकले जनाएको छ । यस्तै सर्वोकृष्ट खेलाडीलाई मोटरसाइकल/स्कुटी प्रदान गरिनेछ ।

यस्तै विधागत पुरस्कार उत्कृष्ट गोलकिपर, डिफेन्स, मिड फिल्ड, फरवार्ड, प्रशिक्षक, हाई स्कोररले २० हजार रुपैयाँ पाउनेछन् भने प्रत्येक दिनको उत्कृष्ट खेलाडी म्यान अफ दि म्याचले १० हजार रुपैयाँ पाउनेछन् । यसैगरी स्थानीय उदीयमान खेलाडीलाई पुरस्कारस्वरुप १५ हजार रुपैयाँ उपलब्ध गराइने आयोजकले जनाएको छ ।

गोल्डकपको मुख्य प्रायोजक जगदम्बा स्टिल सिमरा पावर्ड बाई जगदम्बा मोटर्स तथा मुख्य सहयोगी जितपुर सिमरा उपमहानगरपालिका रहेका छन् । फुटबल प्रतियोगितामा गत वर्षको विजेता एनआरटी, गत वर्षको उपविजेता एपीएफ, हिमालयन शेर्पा क्लब, ब्वाइज युनाइटेड, सातदोबाटो युथ कल्ब, केबीए ग्लोबल, बीएएफसी चितवन, मकवानपुर–११ हेटौँडा, बागमती युवा क्लब सर्लाही, वीरगञ्ज युनाइटेड र आयोजक क्लबसमेत गरी १० वटा टिमले भाग लिनेछन् । प्रतियोगिता सञ्चालन गर्न एक करोड छ लाख ७७ हजार लाग्ने आयोजकले बताएको छ ।

गत वर्ष ८३ लाख १२ हजार पाँच सय रुपैयाँ खर्च भएको थियो । प्रतियोगितामा मुख्य सहयोगी उपमहानगरले २० लाख रुपैयाँ सहयोग उपलब्ध गराउने आयोजकले जनाएको छ । यस्तै प्रतियोगिताको मुख्य प्रायोजक जगदम्बा स्टिल्स.लि. रहेको छ भने सहप्रायोजकमा सूर्य नेपाल र हुलास स्टिल छन् । प्रतियोगिता हेर्न टिकटमा विद्यार्थीहरुको लागि ५० प्रतिशत छुट गरिएको छ भने अपांग, अशक्त र ७० वर्षभन्दा माथि पूरै छुट गरिएको छ ।


क्याटेगोरी : कर्पोरेट-वाणिज्य-उद्योग
ट्याग : #page 3


तपाईको प्रतिक्रिया